د کاتب پوهنتون د اقتصاد پوهنځي محصلینو ته ښوونیز ورکشاپ جوړ شو

Anonymous (not verified)
پنجشنبه ۱۳۹۸/۳/۲۳ - ۹:۳۹
د کاتب پوهنتون د اقتصاد پوهنځي محصلینو ته ښوونیز ورکشاپ جوړ شو

کابل، د غبرګولي ۲۲ مه – د افغانستان بانک له لوري د کاتب پوهنتون محصلینو ته د دغه بانک د موخو، دندو او کلي سیاستونو په اړه یو ورځنی ښوونیز ورکشاپ جوړ شو.

د دې ورکشاپ په پیل کې د کاتب پوهنتون د اقتصاد پوهنځي سرپرست او استاد ښاغلي احمد محمدي یاد پوهنتون ته دافغانستان بانک هیئت ته د ښه راغلاست ویلو تر څنګ د دغه ډول ښوونیزو ورکشاپونو او د اطلاع رسونې په برخه کې مرکزي بانک په توګه د افغانستان بانک له لوري د معلوماتو د شریکولو په اهمیت او د دغه بانک په کلي سیاست محصلینو ته خبرې وکړې.نوموړي د محصلینو لپاره د دغه ډول ورکشاپونو جوړول د دوی د علمي کچې په لوړولو کې د اهمیت وړ وبلل.

ورپسې د افغانستان بانک د ریاست د دفتر د لوی آمریت مرستیال ښاغلي شفیق الله بارز خبرې وکړې او زیاته یې کړه چې د افغانستان بانک د خپلو بنسټیزو دندو سربېره د اطلاع رسونې، عامه پوهاوي او معلوماتو د شریکولو په برخه کې لازمو هڅو او همکاریو ته ژمن دی.

همدارنګه نوموړي زیاته کړه چې د اقتصاد، مالي او بانکي چارو د برخې محصلینو ته د بانک د موخو، دندو او کلي سیاستونو په اړه د ښوونیزو ورکشاپونو جوړول له پوهنتونونو سره د افغانستان بانک د اکاډمیکو همکاریو یوه برخه ده چې د افغانستان بانک له لوري د محصلینو د ظرفیتونو د لوړولو لپاره په پام کې نیول شوي دي.

ورپسې د افغانستان بانک د پولي سیاست د عمومي آمریت مرستیال ښاغلي احمد جواد سداد په هېواد کې د پولي سیاست د تطبیق، په کور د ننه د بیو د ثبات د تامین او ساتنې، د هېواد اقتصادي وضعیت ته په کتو سره د پیسو د وړاندې کولو په مدیریت، کنټرول او همدارنګه د مبادلې د نرخ په اړه یې هر اړخیز معلومات وړاندې کړل.

د دې ښوونیز ورکشاپ په بله برخه کې د افغانستان بانک د مالي چارو د عمومي آمریت مرستیال ښاغلي سید محسن سادات پر بانکونو او مالي موسسو د نظارت (څار) یو پریزنټیشن وړاندې کړ چې په بانکونو کې د درجه بندۍ په تړاو یې د پانګو د کفایت، د داراییو د کیفیت (څرنګوالي)، د ګټې د مدیریت او سیالیت په اړه ګډون کوونکو ته معلومات ورکړل.

د ورکشاپ په وروستۍ برخه کې د ګډون کوونکو پوښتنو ته ځوابونه وویل شول او ګډونوالو ته تصدیق پاڼې ووېشل شوې.

آخرین اخبار

سه‌شنبه ۱۳۹۹/۳/۱۳ - ۹:۵۹
Background image

د افغانستان بانک 30 میلیون دالر امریکایی را لیلام میکند

کابل، 13جوزا  1399_ د افغانستان بانک الی مبلغ 30 میلیون دالر امریکایی را طی داوطلبی به روز چهار شنبه مؤرخ 1399/03/14 ه ش بطور لیلام بفروش می رساند. د افغانستان بانک بمنظور اشتراک در این. . .

یکشنبه ۱۳۹۹/۳/۱۱ - ۸:۳۶
Background image

ذخایر نا خالص ارزی د افغانستان بانک به ۹ میلیارد دالر افزایش یافت.

کابل،۱۰ جوزا ۱۳۹۹ - ذخایر ارزی ناخالص د افغانستان بانک برای اولین بار از مرز 9 میلیارد دالر عبور کرده است. دستیابی به افزایش ذخایر ارز به بالای سقف 9 میلیارد دالر ، نشاندهنده تلاش های. . .

شنبه ۱۳۹۹/۳/۱۰ - ۱۲:۳۴
Background image

تدویر جلسه کمیتۀ اضطرار د افغانستان بانک جهت تعیین رژیم کاری کارمندان بانک

کابل، 10 جوزاء 1399- کمیته حالات اضطرار د افغانستان بانک که تحت ریاست محترم محمد قسیم رحیمی معاون دوم د افغانستان بانک به پیش برده میشود، تدویر جلسه نمود.

طی این جلسه روی تعیین اوقات. . .

بازگشت به خبر