د اسلامي بانکدارۍ عمومي آمر معرفي شو

Anonymous (not verified)
چهارشنبه ۱۳۹۸/۴/۱۹ - ۹:۴۳
د اسلامي بانکدارۍ عمومي آمر معرفي شو

کابل، د ۱۳۹۸ کال د چنګاښ ۱۸ مه – ښاغلی ډاکتر محمد یوسف سلیم د افغانستان بانک د اسلامي بانکدارۍ د عمومي آمریت د آمر په توګه معرفي شو.

په هغه غونډه کې چې د افغانستان بانک د دویم مرستیال ښاغلي محمد قسیم رحیمي په مشرۍ جوړه شوې وه، ښاغلی ډاکتر سلیم دافغانستان بانک د اسلامي بانکدارۍ د عمومي آمریت د آمر په توګه د دې بانک کارکوونکو ته ور وپېژندل شو.

ښاغلي محمد قسیم رحیمي یادونه وکړه، چې ډاکتر محمد یوسف سلیم د اسلامي بانکدارۍ په برخه کې پراخه تجربه لري او هیله مندي یې وښوده چې د افغانستان بانک ته راتګ به یې په هېواد کې د اسلامي بانکدارۍ په دودولو کې رغنده رول ولوبوي.

ورپسې د افغانستان بانک د اسلامي بانکدارۍ نوي ټاکل شوي آمر د اسلامي بانکدارۍ په ارزښت خبرې وکړې او یادونه یې وکړه، چې له نړیوالو اسلامي بانکونو او مالي ادارو سره ښې اړېکې لري او د همدې اړیکو پر بنسټ به د اسلامي بانکدارۍ د دودولو لپاره کار وکړي.

د اسلامي بانکدارۍ نوي ټاکل شوي آمر د خپلو خبرو پر دوام زیاته کړه، چې د اسلامي بانکدارۍ سیستم رغونې ته اړتیا لري او په کار ده چې په دې برخه کې ذهنیت جوړونه وشي، ترڅو خلک په ډاډ سره وکولای شي خپلې پیسې په بانکونو کې وساتي.

د یادونې وړ ده چې ښاغلي محمد یوسف سلیم په مالیزیا هېواد کې د دوکتورا تر کچې زده کړې کړې دي او د یاد هېواد په بېلابېلو پوهنتونو کې یې د اسلامي بانکدارۍ او سوداګریزو قوانینو په برخه کې د استاد په توګه دندې تر سره کړې دي، نوموړی د اسلامي بانکدارۍ په برخه کې زیات شمېر کتابونه او مقالې لري چې دا مهال په نړیوالو پوهنتونو کې تدریسېږي.

پاتې د نه وي چې د نوموړي د پېژندنې په غونډه کې د افغانستان بانک د بېلابېلو آمریتونو آمرینو او مرستیالانو هم ګډون کړی وو.

د اسلامي بانکدارۍ آمریت د افغانستان بانک په چوکاټ کې په دې وروستیو کې رامنځته شوی چې په هېواد کې د اسلامي بانکدارۍ د دودولو لپاره کار کوي.

آخرین اخبار

پنجشنبه ۱۳۹۸/۵/۳۱ - ۱۱:۰
Background image

د افغانستان بانک 30 میلیون دالر امریکایی را لیلام میکند

کابل، 31 اسد 1398_ د افغانستان بانک الی مبلغ 30 میلیون دالر امریکایی را طی داوطلبی به روز شنبه مؤرخ 1398/06/02 ه ش بطور لیلام بفروش می رساند. د افغانستان بانک بمنظور اشتراک در این. . .

پنجشنبه ۱۳۹۸/۵/۳۱ - ۹:۲۹
Background image

امضای تفاهمنامه تبادل اطلاعات مالی با بانک نگارای کشور مالیزیا

د افغانستان بانک بر اساس ماده  سی و یکم قانون جلوگیری از پول شویی و عواید ناشی از جرایم، تفاهمنامه همکاری تبادل اطلاعات مالی مرتبط به پول شویی، تمؤیل تروریزم و سایر جرایم اصلی را با. . .

سه‌شنبه ۱۳۹۸/۵/۲۹ - ۱۵:۳۸
Background image

مشاور امور مالی د افغانستان بانک معرفی گردید

کابل، 27 اسد 1398- محترم سید عبدالغفور سادات بحیث مشاور امور مالی مقام محترم ریاست کُل د افغانستان بانک، تعیین و طی محفلی به کارمندان بانک معرفی شد.

هیئت رهبری د افغانستان بانک حین. . .

بازگشت به خبر