د افغانستان بانک د عالي شورا غونډه وشوه

Mpoya
دوشنبه ۱۳۹۹/۱۲/۲۶ - ۱۴:۳۶
د افغانستان بانک د عالي شورا غونډه وشوه

د افغانستان بانک عالي شورا چې د تصمیم نیولو تر ټولو لویه مرجع ده، نن ورځ د کب د میاشتې په ۲۶ نېټه یې په روان ۱۳۹۸ مالي کال کې خپله دویمه نوبتي غونډه وکړه.

په یاده غونډه کې د افغانستان بانک د مهمو موضوعاتو او مسایلو ترڅنګ د هېواد د بانکوالۍ نظام د کړنو، د کرونا ویروس او پر ټولنه یې د زیانمنونکو اغېزو او همدا ډول د دې ویروس د وقایې او مخنیوي په اړه هر اړخیزې خبرې اترې وشوې. د غونډې په پیل کې د افغانستان بانک سرپرست او لومړي مرستیال، ښاغلي واحدالله نوشیر د کرونا ویروس د خطرونو او احتیاطي تدابیرو او د دې ویروس د وقایې او مخنیوي په اړه خبرې وکړې، زیاته یې کړه چې د افغانستان بانک د دې ویروس د وقایې په موخه جدی تدابیر نیولي څو بانک ته په دې ویروس د اخته کسانو له ننوتلو څخه مخنیوی وکړای شي او د ضد عفوني کوونکې مایع، ماسک او دستکشو په اخیستلو او په شعبو، دهلیزونو او کارځایونو کې د دواشیندنې په مرسته د بانک کارکوونکي وقایه کړي.

ورپسې ښاغلي نوشیر د افغانستان بانک او بانکي نظام د لاسته راوړنو او ننګونو په اړه خبرې وکړې او د پروګرام مطابق د شعبو راپور او کړنې واوریدل شوې او تمه کیږي چې په دې برخه کې لازمې پریکړې او تصمیمونه ونیول شي.

وروستي خبرونه

یکشنبه ۱۳۹۹/۳/۱۱ - ۱۰:۱۲
Background image

د افغانستان بانک 30 میلیونه امریکايي ډالره لیلاموي

کابل، د 1399 کال د غبرگولی 11- د افغانستان بانک غواړي چې د 1399 کال د غبرگولی میاشتې په 12 نېټه د دو شنبی په ورځ د داوطلبۍ په ترڅ کې شاوخوا 30 میلیونه امریکايي ډالره د یوې ازادې او رڼې. . .

یکشنبه ۱۳۹۹/۳/۱۱ - ۸:۳۹
Background image

د افغانستان ناخالصه اسعاري زیرمې څه باندې ۹ میلیارده ډالرو ته لوړی شوی

کابل، د ۱۳۹۹ د جوزا لسمه نیټه: د افغانستان ناخالصه اسعاري زیرمې د لومړي ځل لپاره له ۹ میلیارده امریکایي ډالرو واوښتې.څه باندې ۹ میلیاردو ډالرو ته د افغانستان د ناخالصه اسعاري زیرمو. . .

یکشنبه ۱۳۹۹/۳/۱۱ - ۸:۲۴
Background image

د بانک د کارکوونکو د کاري رژيم د ټاکلو په موخه د افغانستان بانک بېړنۍ کمېتې غونډه ترسره کړه

کابل، ۱۳۹۹ د غبرګولي ۱۰ – د افغانستان بانک د بېړنيو حالاتو کمېټې چې د افغانستان بانک د دویم مرستیال ښاغلي محمد قسیم رحیمي په مشرۍ پر مخ وړل کېده، غونډه ترسره کړه. د غونډې په اوږدو کې د. . .

بېرته خبرونه ته