د کاتب پوهنتون د اقتصاد پوهنځي محصلینو ته ښوونیز ورکشاپ جوړ شو

Anonymous (not verified)
Thu, Jun 13 2019 9:39 AM
د کاتب پوهنتون د اقتصاد پوهنځي محصلینو ته ښوونیز ورکشاپ جوړ شو

کابل، د غبرګولي ۲۲ مه – د افغانستان بانک له لوري د کاتب پوهنتون محصلینو ته د دغه بانک د موخو، دندو او کلي سیاستونو په اړه یو ورځنی ښوونیز ورکشاپ جوړ شو.

د دې ورکشاپ په پیل کې د کاتب پوهنتون د اقتصاد پوهنځي سرپرست او استاد ښاغلي احمد محمدي یاد پوهنتون ته دافغانستان بانک هیئت ته د ښه راغلاست ویلو تر څنګ د دغه ډول ښوونیزو ورکشاپونو او د اطلاع رسونې په برخه کې مرکزي بانک په توګه د افغانستان بانک له لوري د معلوماتو د شریکولو په اهمیت او د دغه بانک په کلي سیاست محصلینو ته خبرې وکړې.نوموړي د محصلینو لپاره د دغه ډول ورکشاپونو جوړول د دوی د علمي کچې په لوړولو کې د اهمیت وړ وبلل.

ورپسې د افغانستان بانک د ریاست د دفتر د لوی آمریت مرستیال ښاغلي شفیق الله بارز خبرې وکړې او زیاته یې کړه چې د افغانستان بانک د خپلو بنسټیزو دندو سربېره د اطلاع رسونې، عامه پوهاوي او معلوماتو د شریکولو په برخه کې لازمو هڅو او همکاریو ته ژمن دی.

همدارنګه نوموړي زیاته کړه چې د اقتصاد، مالي او بانکي چارو د برخې محصلینو ته د بانک د موخو، دندو او کلي سیاستونو په اړه د ښوونیزو ورکشاپونو جوړول له پوهنتونونو سره د افغانستان بانک د اکاډمیکو همکاریو یوه برخه ده چې د افغانستان بانک له لوري د محصلینو د ظرفیتونو د لوړولو لپاره په پام کې نیول شوي دي.

ورپسې د افغانستان بانک د پولي سیاست د عمومي آمریت مرستیال ښاغلي احمد جواد سداد په هېواد کې د پولي سیاست د تطبیق، په کور د ننه د بیو د ثبات د تامین او ساتنې، د هېواد اقتصادي وضعیت ته په کتو سره د پیسو د وړاندې کولو په مدیریت، کنټرول او همدارنګه د مبادلې د نرخ په اړه یې هر اړخیز معلومات وړاندې کړل.

د دې ښوونیز ورکشاپ په بله برخه کې د افغانستان بانک د مالي چارو د عمومي آمریت مرستیال ښاغلي سید محسن سادات پر بانکونو او مالي موسسو د نظارت (څار) یو پریزنټیشن وړاندې کړ چې په بانکونو کې د درجه بندۍ په تړاو یې د پانګو د کفایت، د داراییو د کیفیت (څرنګوالي)، د ګټې د مدیریت او سیالیت په اړه ګډون کوونکو ته معلومات ورکړل.

د ورکشاپ په وروستۍ برخه کې د ګډون کوونکو پوښتنو ته ځوابونه وویل شول او ګډونوالو ته تصدیق پاڼې ووېشل شوې.

Latest news

Mon, Jun 01 2020 7:09 AM
Background image

Da Afghanistan Bank Gross International Reserves Reaches USD 9 Billion

For the first time, Da Afghanistan Bank Gross International Reserves surpassed USD 9 billion.  Achieving this target of more than USD 9 billion international reserves demonstrates the. . .

Wed, May 13 2020 8:44 AM
Background image

Letter From Executive Director - IMF To DAB

May 12, 2020

Honorable Wahidullah Nosher

Acting Governor Da Afghanistan Bank

Dear Governor,

I writhe to thank you for sharing with us the outline of your proposed policies to. . .

Sat, Feb 29 2020 3:37 PM
Background image

Second Deputy Governor of DAB Meets with Deputy Governor of the Central Bank of Cambodia

For the purpose of further strengthening of the banking and financial system of the country, Da Afghanistan Bank implements the best and most effective national and international. . .

BACK TO NEWS