په بلخ ولایت کې د افغانستان بانک زون لپاره د نوې ودانۍ پرانیستل

Mpoya
Wed, Sep 14 2022 3:28 PM
په بلخ ولایت کې د افغانستان بانک زون لپاره د نوې ودانۍ پرانیستل

۱۴۴۴ کال د صفرالمظفر ۱۷ – د افغانستان بانک سرپرست رئیس عبدالقاهر (حاجي ادریس) او ورسره مل پلاوي بلخ ولایت ته سفر وکړ او د دې ولایت په مرکز مزار شریف ښار کې یې د افغانستان بانک د شمال زون لپاره د نوې ودانۍ پرانیستنه وکړه.

د دې زون لپاره د جوړې شوې ودانۍ د پرانیستې پر مهال د افغانستان بانک سرپرست رئیس ښاغلي عبدالقاهر ( حاجي ادریس) وویل چې د افغانستان بانک ژمن دی چې د درنو هېوادوالو لپاره په مالي او بانکي برخو کې اړینې اسانتیاوې رامنځته کړي. د نوموړي په خبره په یاده ودانۍ کې د ننني عصر او تکنالوژۍ سره سم ټولې اړینې آسانتیاوې په نظر کې نیول شوې دي او دا چاره کولای شي درنو هېوادوالو ته د پر وخت او غوره خدمتونو وړاندې کولو په برخه کې مرسته وکړي.

د یادونې وړ ده چې بلخ ولایت ته د افغانستان بانک له سرپرست رئیس سره د دې بانک دویم مرستیال ښاغلی عبدالقدیر احمد هم ملتیا کوي. ښاغلي عبدالقدیر احمد نن د افغانستان بانک په شمال زون کې د دې زون له کارکوونکو سره ولیدل او له دوی یې وغوښتل چې د درنو هېوادوالو لپاره په پوره صداقت غوره خدمتونه وړاندې کړي.

باید وویل شي چې د افغانستان بانک په شمال زون کې دا ودانۍ په پنځو پوړونو کې رغول شوې، ۲۲ خونې لري او  ۳۷ میلیونه افغانۍ لګښت پرې راغلی دی.

هېره د نه وي چې شمال زون ودانۍ د پرانیستې پر مهال د بلخ والي ښاغلي مولوي قدرت الله ابو حمزه په هېواد کې د اسلامي بانکوالۍ په پراختیا ټینګار وکړ او دا برخه یې د خورا ارزښت وړ یاده کړه. باید وویل شي چې په یاده غونډه کې د بېلابېلو ریاستونو مشرانو او د صرافانو ټولنې استازو هم ګډون کړی وو.

د یادونې وړ ده چې بلخ ولایت ته د سفر پر مهال د افغانستان بانک سرپرست رئیس ښاغلي عبدالقاهر ( حاجي ادریس) او ورسره پلاوي د قوش تیپې له کنال څخه هم لیدنه وکړه او د دې کانال رغونه یې د هېواد د اقتصادي پرمختګ په برخه کې د ارزښت وړ یاده کړه.

Latest news

Sat, Dec 17 2022 12:33 PM
Background image

The Second meeting of working committee of higher Commission for Anti Money Laundering was held

December 14, 2022 – Pursuant to article 34 of the Anti-money Laundering and Proceeds of Crimes law, The Second meeting of working committee of higher Commission for Anti Money. . .

Thu, Dec 08 2022 1:01 PM
Background image

DAB Holds Meeting with UN Secretary-General’s Special Representative for Afghanistan

December 08, 2022- Acting Governor of Da Afghanistan Bank, Mr. Abdul Qahir (Haji Idres) met with Ms. Roza Otunbayeva, United Nations’ Special Representative for Afghanistan and Head of. . .

Mon, Nov 21 2022 2:06 PM
Background image

Da Afghanistan Bank Is Committed to Retaining and Promoting Professional and Experienced Staff

November 20, 2022 - Taking into account the principles of job rotation and promotion, Da Afghanistan Bank recently brought a series of changes to the responsibilities of a number of. . .

BACK TO NEWS