د هېواد د اسعاري زیرمو په اړه د افغانستان بانک اعلامیه!

Mpoya
Thu, Sep 15 2022 1:28 PM
د هېواد د اسعاري زیرمو په اړه د افغانستان بانک اعلامیه!

د افغانستان بانک یوه خپلواکه اداره ده چې د نړیوالو منل شوو معیارونو، قوانینو او مقرراتو په رڼا کې فعالیتونه ترسره کوي او خپل نړیوالو مکلفیتونه په ځانګړې توګه د پیسو وینځلو او د جنایتکارو ډلو د تمویل سره د مبارزې په برخه کې په ښه ډول مراعاتوي. د خپلو دندو د ترسره کولو لپاره کافي ظرفیت او تخصص لري، او لا هم خپل پخواني د لوړو زده کړو لرونکي متخصصین په واک کې لري او کړنې یې په شفافه توګه د بې طرفه متخصصو پلټونکو لخوا څېړل کېږي، چې ښه بېلګه یې د تېر کال لاسته راوړنې دي، نو په دې اساس په دې قضیه کې شوې ادعاوې د اعتبار وړ نه دي.

د افغانستان بانک د اسعارو زېرمې د افغانانو ملکیت دی او له کلونو راهیسې د پولي ثبات، مالي سیستم د پیاوړتیا او له نړۍ سره د سوداګرۍ د اسانتیا په موخه کارول کېږي. د امریکا د متحده ایالتونو هغه پرېکړه چې په سویس هېواد کې د یوې ادارې د جوړولو او هلته د افغانستان د اسعارو د زیرمو د یوې برخې د لېږد او غیر مرتبطو برخو ته د هغو ځانګړي کول، د خوندیتوب او روڼتیا اړین معیارونه په پام کې نه نیول، د افغانستان بانک اندېښنو ته نه پاملرنه، دا ټول د افغانستان د خلکو په حق کې نا عادلانه پرېکړه ده. دا چې دا پرېکړه د افغانستان د خلکو د رښتینو استازو په نه شتون او د افغانستان بانک له ګډون پرته شوې، د منلو وړ نه ده.

د افغانستان بانک غواړي چې د هېواد د بهرنیو اسعارو په زېرمو باندې لګول شوي محدودیتونه په بشپړه توګه لیرې کړل شي، تر څو د خپل اغېزناک او شفاف مدیریت له لارې ټاکل شوو موخو ته ورسېږي. په دې برخه کې هر ډول یو اړخیزه پریکړه او هر ډول توجیه د منلو وړ نه ده.

د افغانستان بانک چمتو دی چې د نړیوالو اندیښنو د حل لپاره د نړۍ له هیوادونو او پېژندل شوو سازمانونو سره هر اړخیزه همکاري وکړي. تمه کېږي چې په دې مسله کې ښکیل هېوادونه او سازمانونه به د افغانستان بانک او اړوندو ادراتو سره د رغنده خبرو اترو له لارې د منلو وړ او دوامداره حل د ترلاسه کولو لپاره اړین ګامونه پورته کړي.

Latest news

Sat, Dec 17 2022 12:33 PM
Background image

The Second meeting of working committee of higher Commission for Anti Money Laundering was held

December 14, 2022 – Pursuant to article 34 of the Anti-money Laundering and Proceeds of Crimes law, The Second meeting of working committee of higher Commission for Anti Money. . .

Thu, Dec 08 2022 1:01 PM
Background image

DAB Holds Meeting with UN Secretary-General’s Special Representative for Afghanistan

December 08, 2022- Acting Governor of Da Afghanistan Bank, Mr. Abdul Qahir (Haji Idres) met with Ms. Roza Otunbayeva, United Nations’ Special Representative for Afghanistan and Head of. . .

Mon, Nov 21 2022 2:06 PM
Background image

Da Afghanistan Bank Is Committed to Retaining and Promoting Professional and Experienced Staff

November 20, 2022 - Taking into account the principles of job rotation and promotion, Da Afghanistan Bank recently brought a series of changes to the responsibilities of a number of. . .

BACK TO NEWS