د امریکا د سيټي بانک له چارواکو سره د افغانستان بانک د سرپرست آنلاین غونډه

Mpoya
سه‌شنبه ۱۴۰۰/۴/۲۲ - ۱۷:۲۳
د امریکا د سيټي بانک له چارواکو سره د افغانستان بانک د سرپرست آنلاین غونډه

۱۴۰۰ کال د چنګاښ ۲۲ مه - د افغانستان بانک سرپرست ښاغلي اجمل احمدي د یو ویډیو کنفرانس له لارې د امریکا د سیټي بانک له چارواکو سره د تخنیکي همکاریو پر دوام او له افغانستان سره د یاد بانک پر بانکي اړیکو خبرې وکړې.

په پیل کې ښاغلي اجمل احمدي د افغانستان د ټولیز اقتصادي وضعیت په اړه لنډې خبرې وکړې او ورپسې یې د امریکا د سیټي بانک له تخنیکي همکاریو په ځانګړې توګه له بانکي سکتور سره له همکاریو مننه وکړه او په دې برخه کې یې د لا زیاتو همکاریو پر دوام ټینګار وکړ.

د سیتي بانک لوړپوړو استازو چې په دې غونډه کې یې ګډون کړی وو له افغانستان سره د هر ډول تخنیکي همکاریو، تجربو او معلوماتو شریکولو او اغیزناکو بانکي اړیکو پر ټینګولو هوکړه وکړه او په دې برخه کې یې چمتووالی وښود.

وروستي خبرونه

سه‌شنبه ۱۴۰۱/۹/۱۵ - ۱۶:۳
Background image

د افغانستان بانک د عالي شورا غونډه جوړه شوه

د 1444 د جمادي الاول 12مه - د افغانستان بانک عالي شورا چې د دې بانک د پرېکړو کولو تر ټولو لوړه مرجع ده، د اوسنیو شرایطو په پام کې نیولو سره د مناسبو پولي سیاستونو د پلي کولو او د بانکي. . .

سه‌شنبه ۱۴۰۱/۹/۱۵ - ۱۳:۱۵
Background image

افغانستان ته د ۴۰ میلیونه ډالرو د بشري مرستو  بله کڅوړه را ورسېده

۱۴۴۴ جمادي الاول ۱۲ مه -  افغانستان ته د ۴۰ میلیون ډالرو نغدي بشري مرستې بله کڅوړه را ورسېده او په کابل کې یو سوداګریز بانک ته و سپارل شوه. دا په روانه اونۍ کې دویمه کڅوړه ده چې. . .

سه‌شنبه ۱۴۰۱/۹/۱۵ - ۱۰:۵۸
Background image

د افغانستان بانک 16 میلیونه امریکايي ډالره لیلاموي

1444 جمادی الاول 12 مه - د افغانستان بانک غواړي چې د 1444 کال د جمادی الاول د میاشتې په 13 نېټه (16/09/1401) د  چهار شنبې په ورځ د داوطلبۍ له لارې تر (16) میلیونه امریکايي ډالرو پورې د. . .

بېرته خبرونه ته