د سترو معاملو (د اسعارو د مبادلې) د راپورونو د راټولولو بهیر پیل شو

ناپیژنده (not verified)
دوشنبه ۱۳۹۸/۲/۲۳ - ۱۲:۱۷
د سترو معاملو (د اسعارو د تبادلې) د راپورونو د راټولولو بهیر پیل شو

د صرافانو او پولي خدمتونو د وړاندې کوونکو د سترو معاملو (د اسعارو د مبادلې) د راپورونو د راټولولو بهیر د هېواد په کچه پیل شو.

د افغانستان بانک لوی رئیس ښاغلي خلیل صدیق په هغه غونډه کې چې په همدې موخه جوړه شوې وه، وویل چې د پیسو د وینځلو او له جرمونو څخه د ترلاسه شویو عوایدو د مخنیوۍ د قانون د اولسمې مادې د حکم او د صرافانو او د پولي خدمتونو د وړاندې کوونکو د کړنو د تنظیم مقررې د دري دېرشمې مادې پربنسټ، د هېواد په کچه ټول صرافان او د پولي خدمتونو وړاندې کوونکي اړ دي څو د خپلو اسعارو د مبادلې د سترو معاملو راپورونه چې د راپور ورکونې حد یې په یاده مقرره کې ټاکل شوی دی، د افغانستان د مالي معاملو او راپورونو د څېړنې مرکز ته وړاندې کړي.

ورپسې د افغانستان د مالي معاملو او راپورونو د څېړنې د مرکز آمر ښاغلي نثار احمد یوسفزی د صرافانو او د پولي خدمتونو د وړاندې کوونکو د اسعارو د مبادلې د معاملو د راپور ورکونې د پروژې د بشپړیدو راپور د وړاندې کولو ترڅنګ، وویل چې د افغانستان د مالي معاملو او راپورونو د څېړنې مرکز د قانون د حکمونو او د یادې مقررې د ښه تطبیق په موخه په ټول هېواد کې د صرافانو او د پولي خدمتونو د وړاندې کوونکو د اسعارو د مبادلې د سترو معاملو د راپورونو د راټولولو بهیر پیل کړی او د راپور ورکونې په بهیر کې یې د اسانتیاوو د رامنځ ته کولو او د روڼتیا او محرمیت د ساتلو په موخه مناسب اقدامات تر لاس لاندې نیولي دي چې دا اقدامات په ملي او نړیواله ژبو د صرافانو او د پولي خدمتونو د وړاندې کوونکو د سترو معاملو (د اسعارو د مبادلې) د راپورونو د ترلاسه کولو لپاره د برېښنايي راپور ورکونې د پوستکالي جوړول؛ صرافانو او د پولي خدمتونو د وړاندې کوونکو لپاره د روزنیزو پروګرامونو جوړول، د اسعارو د مبادلې د سترو معاملو د راپورونو د وړاندې کولو په موخه صرافانو او د پولي خدمتونو وړاندې کوونکو لپاره د یوزرونو جوړول؛ د صرافانو او د پولي خدمتونو د وړاندې کوونکو لخوا د سترو معاملو (د اسعارو د مبادلې) د راپورونو راټولول، رانغاړي.

په پای کې د افغانستان بانک مشریزه پلاوي د هېواد په کچه د صرافیو او د پولي خدمتونو د بازارونو د ټولنو له هر اړخیزه همکاریو څخه د مننې ترڅنګ د راپورونو د راټولیدو د بهیر په دوام ټینګار وکړ.

وروستي خبرونه

شنبه ۱۳۹۸/۶/۳۰ - ۱۰:۳۵
Background image

د افغانستان بانک د اسعاري زیرمو د بهیر څرنګوالی

د افغانستان بانک اسعاري زیرمو د ۲۰۰۴ زیږدیز کال راپدېخوا لوړېدونکی بهیر درلودلی دی. په ۲۰۰۴ زیږدیز کال کې د افغانستان بانک ټولیزه اسعاري زیرمې ۱.۲۷ میلیارده امریکايي ډالره اټکل شوی ؤ چې. . .

پنجشنبه ۱۳۹۸/۶/۲۸ - ۱۱:۱۱
Background image

د افغانستان بانک 30 میلیونه امریکايي ډالره لیلاموي

کابل، 1398 کال د وږی 28ـ د افغانستان بانک غواړي چې د 1398 کال د وږی میاشتې په 30 نېټه د شنبی په ورځ د داوطلبۍ په ترڅ کې شاوخوا 30 میلیونه امریکايي ډالره د یوې ازادې او رڼې پروسې له لارې. . .

پنجشنبه ۱۳۹۸/۶/۲۸ - ۹:۹
Background image

په بامیانو ولایت کې د "منقولو مالونو د رهن د تسهیلولو څرنګوالي" روزنیز ورکشاپ جوړ شو

مالي وجوه ته د لاسرسۍ د تسهیلولو په موخه د افغانستان بانک د روان کال د وږي میاشتې په ۲۴ نیټه باندې په بامیانو ولایت کې د سوداګریزو بانکونو او د کوچنیو مالي ادارو استازو او صنعت کارانو. . .

بېرته خبرونه ته