د پیسو د نړیوال صندوق له پلاوي سره د افغانستان پلاوي غونډه ترسره کړه

ناپیژنده (not verified)
یکشنبه ۱۳۹۸/۴/۳۰ - ۱۶:۱۰
د پیسو د نړیوال صندوق له پلاوي سره د افغانستان پلاوي غونډه ترسره کړه

د پیسو له نړیوال صندوق سره د افغانستان بانک او مالیې وزارت نوبتي غونډه د ۱۳۹۸ کال د چنګاښ د میاشتې تر ۱۹- ۲۴ نیټې پورې د ګرجستان په هېواد کې ترسره شوه.

دا غونډه د یادو ادارو د جوړښتونو د اصلاحاتو، د لوی اقتصاد د ثبات، د پولي انفلاسیون د اداینو بیلانس، پولي سیاست، د مالي نظام د وضعیت او د ټاکل شویو مقداري هدفونو د پلي کیدو د څرنګوالي په برخوکې د دې ادارو  د کړنو د ارزونې په موخه د کریدت د اسانتیا د تمدید تر پروګرام لاندی جوړه شوه.

د افغانستان بانک ګدون کوونکي پلاوي د افغانستان بانک د لومړي مرستیال او سرپرست واحد الله نوشیر په مشرۍ د یادو موضوعاتو په اړه د پیسو د نړیوال صندوق له پلاوي سره بحث او نظرونه تبادله کړه. د یادونې وړ ده چې په دې غونډه کې د پولي سیاست د لوی آمریت آمر ښاغلي نایب خان جمال او د مالي چارو د څارنې د لوی آمریت آمر ښاغلي محمد سلیم سلاح هم ګډون کړی ؤ.

د یادو موضوعاتو په اړه د هر اړخیزو خبرو اترو وروسته، د پیسو نړیوال صندوق پلاوي د افغانستان بانک اقدامات وستایل او د ټاکل شوي مقداری هدفونو په تطبیق کي یې د هغوي اجراات بریالی وارزول.

د یادونې وړ ده چې په دې غونډه کې د مالیې وزارت پلاوي هم د مالي مرستیال ښاغلي زاهد همدرد او د ګمرکونو د مرستیال ښاغلي عبدالله رقیبی په مشرۍ ګدون کړی ؤ او په دې غونډه کې د پیسو د نړیوال صندوق د پلاوي مشري ښاغلی دینوالدکرستوف په غاړه درلوده.

وروستي خبرونه

سه‌شنبه ۱۳۹۸/۵/۲۹ - ۱۵:۳۹
Background image

د افغانستان بانک د مالي چارو سلاکار معرفي شو

کابل، د ۱۳۹۸ کال د زمري ۲۷ مه ـ ښاغلي سید عبدالغفور سادات په مالي برخه کې د افغانستان بانک د ریاست د عالي مقام د سلاکار په توګه په دنده وګمارل شو.

نوموړی د افغانستان بانک د سرپرست او. . .

یکشنبه ۱۳۹۸/۵/۲۷ - ۱۶:۲۰
Background image

د خپلواکۍ د سلمې کلیزې په ویاړ لمانځغونډه او انځوریز نندارتون جوړ شو

کابل، د ۱۳۹۸ کال د زمري ۲۷ مه –په افغانستان بانک کې د هېواد د خپلواکۍ د سلمې کلیزې په ویاړ لمانځغونډه او انځوریز نندارتون جوړ شو.

دا لمانځغونډه او انځوریز نندارتون چې د افغانستان بانک. . .

شنبه ۱۳۹۸/۵/۲۶ - ۱۳:۳۵
Background image

د افغانستان بانک 30 میلیونه امریکايي ډالره لیلاموي

کابل، 1398 کال د زمری 26ـ د افغانستان بانک غواړي چې د 1398 کال د زمری میاشتې په 30 نېټه د چهارشنبی په ورځ د داوطلبۍ په ترڅ کې شاوخوا 30 میلیونه امریکايي ډالره د یوې ازادې او رڼې پروسې. . .

بېرته خبرونه ته