د کارموندنې خبرتیا

Mpoya
چهارشنبه ۱۳۹۸/۱۱/۲۳ - ۱۵:۳۰
د کارموندنې خبرتیا

د خپریدو نېټه

د پای نیټه

د افغانستان بانک د عالي شورا د حقوقي مشاوریت د دفتر او د دارالانشا د قوانینو او مقررو د تسوید د متخصص پُست ازادې سیالۍ ته وړاندې کیږي.

د پُست نوم: د افغانستان بانک د عالي شورا د حقوقي مشاوریت د دفتر او د دارالانشا د قوانینو او مقررو د تسوید د متخصص پُست

 ګریډ: اتم

د ګمارنې ډول: دایمي

دندې او مسوولیتونه:

• له عمومي پلان سره سم د میاشتني، ربعوار او کلني کاري پلان طرحه کول  او چمتو کول او د اړونده اداري او تقنیني اسنادو د تعدیل په برخه کې همکاري

• د ماهیت او بڼې له پلوه د نویو او تعدیل شویو مقررو، کړنلارو، لوایحو او لارښودونو او په د افغانستان بانک کې د نورو تقنیني اسنادو ایډیټ، سمون، تنظیم او نهایي کول

• د افغانستان بانک د کړنلارو او پالیسیو د تعدیل، تغییر او په کې د زیاتونو رامنځته کولو په تړاو د افغانستان بانک د آمریتونو، اړوندو دولتي بنسټونو، مالي مؤسسو، او د خصوصي او نړیوالو مؤسسو د نظرونو راټولول او همغږي کول او د قوانینو او مقررو په اړه د راټول شویو نظرونو یوځای کول او شننه

• د غوره عملي طرحې د پیدا کولو لپاره د طرحه کولو  او تسویدولو په پړاو کې د هېواد او د نورو هېوادونو د نافذه قوانینو، مقررو، پالیسیو او کړنلارو په اړه لټون او څېړنه

•  د اړوندو آمریتونو په مرسته د افغانستان بانک د انټرنیټي سايټ د قوانینو او مقررو د برخې تنظیم، بیاکتنه او اپډیټول

• د تصویب شویو تقنیني موضوعاتو او د نورو موضوعاتو په اړه چې د مستقیم آمر او یا صلاحیت لرونکي آمر لخوا یې لارښوونه شوې وي، د راپورونو د چمتو کولو او وړاندې کولو په اړه د حقوقي مشاوریت د دفتر له نورو غړو سره همکاري او همدارنګه د افغانستان بانک د ستراتیژیک پلان په تړاو له نورو شعبو سره مرسته کول

• د عدلیې وزارت له مهال وېش سره سم د راتلونکي کال لپاره د افغانستان بانک د تقنیني پلان طرحول او تنظیمول

• د مستقیم آمر یا د واک لرونکي آمر له لارښوونې سره سم د افغانستان بانک د مقررو د پښتو، دري او انګلیسي ژباړو تصحیح او بیاکتنه

• د مکتوبونو، وړاندیزونو، استعلامونو او نورو اداري مراسلاتو لیکل او په ټاکلي وخت کې یې د مستقیم مدیر او واک لرونکي آمر له لارښوونې سره سم طی مراحل کول

• په کره او منظمه توګه په دوسیو او کارتنونوکې د مکتوبونو، وړاندیزونو، استعلامونو او نورو اداري مراسلاتو ترتیبول، تنظیمول او په هارډ او سافټ ډول د هغه د کاپي ساتل

• د کاري پلان ترتیبول او مستقیم مدیر او واک لرونکي آمر ته د هغه د کاري راپور وړاندې کول

• د نورو دندو او مسؤولیتونو ترسره کول چې له لایحې او مقرراتو سره سم د کړنلارو، لارښودونو او د پورته مقام له لارښوونو پر بنسټ ورته سپارل کېږي.

د شخص ځانګړنې:

د زده کړې درجه:  حقوق او شرعیاتو په برخه کې د لسانس تحصیلي سند. د ماسترۍ سند لرونکي ته لومړیتوب ورکول کېږي. 

کاري تجربه: لږ تر لږه 3 کاله کاري تجربه په اړوند برخه کې

وړتیاوې او توانايي:

• له انګلیسي ژبې سره بلدتیا

• مدیریتي وړتیاوې ولري

• د هېواد له نافذه بانکي قوانینو او مقررو او د تصفیې له بهیر سره بلد وي

• کمپیوټري پروګرامونو او د هېواد له حقوقي، قضایی، جزایي، او بانکي سیسټمونو سره بلد وي

• د وینا فصاحت او بلاغت ولري

• د مکتوبونو، وړاندیزونو او کاري راپورونو د لیکلو وړتیا ولري

• د حقوقي مسایلو د شننې او د مناسبو تګلارو په برخه کې د پام وړ وړتیا ولري

شخصي صفتونه او ارزښتونه

ریښتینی، د نیک چلند خاوند، مبتکره، متحرک، منظمه، دندې پورې پابنده، ډله ییز کار ته لیواله، همکار، مسوولیت مننونکی، او په کاري برخه کې پریکړه کوونکی او مسلکي وي

نوټ: د شرایطو وړ مینه وال کولای شي چې خپله CV یا د سوانحو لنډیز له غوښتنلیک سره یو ځای چې په کې د یاد او انتخابي پُست نوم او فعاله بریښنالیک پته درج شوی وي، د ۱۳۹۸ کال د سلواغې میاشتې له ۲۵ نیټې څخه مخکې دې بریښنالیک Dab.jobs@dab.gov.af ته راولیږي. د دې ترڅنګ مینه وال کولای شي چې د معلوماتو د ترلاسه کولو لپاره ویب پاڼې https:dab.gov.af ته مراجعه وکړي.

مهم ټکی:

- د ازموینې لپاره یوازې شارټ لست شوي نوماندانو سره اړیکه نیول کېږي.

- د مرکې نېټه وروسته اعلانیږي.

- نوماندان اړ دي چې د فراغت دیپلوم یا د باصلاحیته ادارې (وزارت) د تائیدۍ سند هم راولیږي، د نه لیږدو په صورت کې له شارټ لسټ کیدو محرومیږي.

Related VacanciesShow all

Back to vacancies