د کارکوونکو په دندو کې بدلون او تغیرات په ادارو کې یو اصل ګڼل کېږي.
۲۵ ربیع الثانی ۱۴۴۴-- په دندو کې د بدلون او تغیراتو د اصل په پام کې نیولو سره او په ښه توګه د چارو پرمخ بېولو او د بانک ذینفعانو، په ځانګړې توګه عام ولس ته د اغېزناکو خدمتونو وړاندې کولو په موخه د افغانستان بانک د یو شمېر مسلکي، وړ او تجربه لرونکو کادرونو په مسؤلیتونو کې یو لړ بدلونونه او تغیرات رامنځته شول.
د افغانستان بانک سرپرست رئیس ښاغلي حاجي ادریس د یادو کارکوونکو د معرفي کولو پر مهال وویل چې په ادارو کې بدلون او تغیرات یو اصل ګڼل کېږي او د مثبت بدلون په موخه رامنځته کېږي. ښاغلي حاجي ادریس زیاته کړه چې د افغانستان بانک د آمریتونو کارکوونکي په اوسنیو حساسو شرایطو کې له مسؤلیته ډکې دندې لري ځکه چې بانکي سکتور د یو مهم پړاو څخه د تېرېدو په حال کې دی. هغه د دې کارکوونکو د تېرو کړنو قدرداني وکړه او هغوی ته یې په نویو سپارل شوو چارو کې د بریا هیله څرګنده کړه.
لاندې د هغو کارکوونکو لنډه بیوګرافي وړاندې کېږي چې په مسؤلیتونو کې یې بدلون رامنځته شوی او ارتقا یې موندلې ده.
