د اسلامي بانکدارۍ عمومي آمر معرفي شو

ناپیژنده (not verified)
چهارشنبه ۱۳۹۸/۴/۱۹ - ۹:۴۳
د اسلامي بانکدارۍ عمومي آمر معرفي شو

کابل، د ۱۳۹۸ کال د چنګاښ ۱۸ مه – ښاغلی ډاکتر محمد یوسف سلیم د افغانستان بانک د اسلامي بانکدارۍ د عمومي آمریت د آمر په توګه معرفي شو.

په هغه غونډه کې چې د افغانستان بانک د دویم مرستیال ښاغلي محمد قسیم رحیمي په مشرۍ جوړه شوې وه، ښاغلی ډاکتر سلیم دافغانستان بانک د اسلامي بانکدارۍ د عمومي آمریت د آمر په توګه د دې بانک کارکوونکو ته ور وپېژندل شو.

ښاغلي محمد قسیم رحیمي یادونه وکړه، چې ډاکتر محمد یوسف سلیم د اسلامي بانکدارۍ په برخه کې پراخه تجربه لري او هیله مندي یې وښوده چې د افغانستان بانک ته راتګ به یې په هېواد کې د اسلامي بانکدارۍ په دودولو کې رغنده رول ولوبوي.

ورپسې د افغانستان بانک د اسلامي بانکدارۍ نوي ټاکل شوي آمر د اسلامي بانکدارۍ په ارزښت خبرې وکړې او یادونه یې وکړه، چې له نړیوالو اسلامي بانکونو او مالي ادارو سره ښې اړېکې لري او د همدې اړیکو پر بنسټ به د اسلامي بانکدارۍ د دودولو لپاره کار وکړي.

د اسلامي بانکدارۍ نوي ټاکل شوي آمر د خپلو خبرو پر دوام زیاته کړه، چې د اسلامي بانکدارۍ سیستم رغونې ته اړتیا لري او په کار ده چې په دې برخه کې ذهنیت جوړونه وشي، ترڅو خلک په ډاډ سره وکولای شي خپلې پیسې په بانکونو کې وساتي.

د یادونې وړ ده چې ښاغلي محمد یوسف سلیم په مالیزیا هېواد کې د دوکتورا تر کچې زده کړې کړې دي او د یاد هېواد په بېلابېلو پوهنتونو کې یې د اسلامي بانکدارۍ او سوداګریزو قوانینو په برخه کې د استاد په توګه دندې تر سره کړې دي، نوموړی د اسلامي بانکدارۍ په برخه کې زیات شمېر کتابونه او مقالې لري چې دا مهال په نړیوالو پوهنتونو کې تدریسېږي.

پاتې د نه وي چې د نوموړي د پېژندنې په غونډه کې د افغانستان بانک د بېلابېلو آمریتونو آمرینو او مرستیالانو هم ګډون کړی وو.

د اسلامي بانکدارۍ آمریت د افغانستان بانک په چوکاټ کې په دې وروستیو کې رامنځته شوی چې په هېواد کې د اسلامي بانکدارۍ د دودولو لپاره کار کوي.

وروستي خبرونه

پنجشنبه ۱۳۹۸/۵/۳۱ - ۱۱:۴
Background image

د افغانستان بانک 30 میلیونه امریکايي ډالره لیلاموي

کابل، 1398 کال د زمری 31ـ د افغانستان بانک غواړي چې د 1398 کال د وږی میاشتې په 2 نېټه د شنبی په ورځ د داوطلبۍ په ترڅ کې شاوخوا 30 میلیونه امریکايي ډالره د یوې ازادې او رڼې پروسې له لارې. . .

پنجشنبه ۱۳۹۸/۵/۳۱ - ۱۱:۲
Background image

د مالیزیا له نیګارا بانک سره د مالي معلوماتو د تبادلې هوکړه لیک لاسلیک شو

د افغانستان بانک د پیسو وینځلو او له جرمونو څخه د ترلاسه شویو عوایدو د مخنیوي قانون د ۳۱ مې مادې پر بنسټ، د مالیزیا نګارا بانک د مالي استخباراتو له واحد سره د پیسو وینځلو، د ترهګرۍ د. . .

سه‌شنبه ۱۳۹۸/۵/۲۹ - ۱۵:۳۹
Background image

د افغانستان بانک د مالي چارو سلاکار معرفي شو

کابل، د ۱۳۹۸ کال د زمري ۲۷ مه ـ ښاغلي سید عبدالغفور سادات په مالي برخه کې د افغانستان بانک د ریاست د عالي مقام د سلاکار په توګه په دنده وګمارل شو.

نوموړی د افغانستان بانک د سرپرست او. . .

بېرته خبرونه ته