د افغانستان بانک له خوا د غازي امان الله خان په مزار د ګلونو ګیډۍ کېښودل شوه
د افغانستان بانک له خوا د افغانستان د خپلواکۍ د سلمې کلېزې د لمانځنې په ویاړ د بېلا بېلو پروګرامونو ترڅنګ د ګلونو یوه ګیډۍ چې د غازي امان الله خان تصویر پرې پوښل شوی وو، د ننګرهار ولایت په جلال آباد ښار کې د غازي امان الله خان په مزار کېښودل شوه.
په دې مراسمو کې د افغانستان بانک د ختیځ زون آمر ښاغلي احمدزي توحید یار او همدا ډول د ننګرهار ولایت د افغانستان بانک اقتصادي کارپوه ښاغلي تاج محمد تمکین د خپلواکۍ د اهمیت او د غازي امان الله خان د کارنامو او بریاوو ترڅنګ وویل چې د افغانستان بانک له ټولو کارمندانو څخه مننه کوو چې سږکال یې د خپلواکۍ د جشن په لمانځنې کې له هیڅ ډول هڅې او هاندونو څخه دریغ نه دی کړی.
