د افغانستان د مالي او بانکي انستیتیوت د مدیره پلاوي غونډه جوړه شوه
کابل، د ۱۳۹۸ کال د زمري د میاشتې ۱۵ مه – د افغانستان بانک د سرپرست او لومړي مرستیال ښاغلي واحدالله نوشیر په مشرۍ چې د افغانستان د مالي او بانکدارۍ انستیتیوت د مدیره پلاوي مشر هم دی غونډه جوړه شوه.
په دغه غونډه کې د افغانستان د مالي او بانکدارۍ انستیتیوت اجرائیوي مشر ښاغلي لطف الحق نور پسرلي د ۲۰۱۹ میلادي کال په دویمه ربع کې د یاد انستیتیوت په اډانه کې د تر سره شویو چارو په اړه هر اړخیز معلومات شریک کړل او د دې انستیتیوت په راتلونکو پلانونو خبرې اترې وشوې.
د افغانستان بانک سرپرست او لومړي مرستیال ښاغلي واحدالله نوشیر د افغانستان د مالي او بانکدارۍ انستیتیوت په اډانه کې له تر سره شویو چارو د مننې ترڅنګ په دې برخه کې د لا زیاتو پرمختګونو د راتګ هيله وښوده.
د یادونې وړ ده چې په دې غونډه کې د افغانستان د مالي او بانکي انستیتیوتاجرائیوي مشر ښاغلي لطف الحق نور پسرلي د یاد انستیتیوت د مدیره هیئت غړيو ښاغلي بهرام برزین، ډاکتر سالم امید او په مالي سکتور کې د افغانستان بانک د ریاست سلاکار ښاغلي سید عبدالغفور سادات هم ګډون کړی وو.
پاتې د نه وي چې دا انستیتیوت په ۲۰۱۰ میلادي کال کې جوړ شوی دی چې د مالي او بانکدارۍ برخو کې روزنیز خدمتونه وړاندې کوي.
