ورزش او لوبغاړو ته درناوی لرو
کابل، ۱۳۹۸ مرغومې ۱۵ مه ـ د افغانستان بانک د هېواد د ازادو رزمي هنرونو د سیالیو (فري فایټ) دوه تنه وتلي لوبغاړي چې په دې وروستیو کې د رزمي هنرونو د ازادې مبارزې په سیالو کې ښه ځلیدلي ؤ، تقدیر او وستایل.
په هغه غونډه کې چې په همدې موخه د افغانستان بانک د کنفرانسونو په تالار کې جوړه شوې وه د افغانستان بانک سرپرست او لومړي مرستیال ښاغلي واحد الله نوشېر حسین بخش صفري او سمیع الله فیضي ته د دې بریا مبارکي وویله او هغوي یې د هېواد ویاړونه او اتلان وبالل.
ورپسې د رزمي هنرونو د ازادو مبارزو لوبغاړو هر یو ښاغلي حسین بخش صفري او ښاغلي سمیع الله فیضي خبرې وکړې او د افغانستان بانک له مشر تابه پلاوي څخه یې د لوبغاړو د هڅونې لپاره مننه وکړله.
دوي په خپلو پیغامونو کې له خلکو و غوښتل څو د افغانۍ د دودیدو په بهیر کې فعاله ونډه واخلي او په خپلو راکړو او ورکړو کې افغانۍ وکاروي.
باید وویل شي چې د افغانستان بانک د دې لوبغاړو د خدمتونو، ویاړونو او ورزشي لاسته راوړنو په پام کې نیولو سره دواړو لوبغاړي ته مننلیکونه او په افغانۍ ښکلي شوي تندیسونه هم ورکړل.
