د افغانستان بانک سرپرست او لومړي مرستیال د چین له سفیر سره وکتل

Mpoya
دوشنبه ۱۳۹۸/۹/۱۱ - ۱۵:۰
د افغانستان بانک سرپرست او لومړي مرستیال د چین له سفیر سره وکتل

کابل، د ۱۳۹۸ کال د لیندۍ ۱۱ مه – د افغانستان بانک سرپرست او لومړي مرستیال ښاغلي واحدالله نوشېر په کابل کې د چین هېواد له سفیر ښاغلي وانګ یو سره د افغانستان بانک د عالي شورا په تالار کې وکتل.

په دې کتنه کې د افغانستان بانک سرپرست او لومړي مرستیال ښاغلي واحدالله نوشېر له چین سره د افغانستان د سوداګریزو اړیکو په ارزښت خبرې وکړې او له افغانستان سره یې د سوداګرۍ په برخه کې د دې هېواد د مثبت اغېز ستاینه وکړه او یاد هېواد یې د افغانستان یو غوره ګاونډی یاد کړ.

نوموړي له چین هېواد سره د افغانستان د سوداګریزو اړیکو د پراختیا ترڅنګد بانکوالۍ په برخه کې هم د پراخو اړیکو په رامنځته کولو ټینګار وکړ او هیله یې وښوده چې په دې برخه کې به لازم پرمختګونه رامنځته شي.

ورپسې په کابل کې د چین هېواد سفیر ښاغلي وانګ یو د افغانستان او چین د هېوادونو ترمنځ د سوداګرۍ په برخه کې د لا زیاتو پرمختګونو د رامنځته کولو ژمنه وکړه او یادونه یې وکړه چې د چین هېواد سوداګر له دې هېواد سره د سوداګریزو اړیکو پراختیا ته لیوال دي.

ښاغلي وانګ یو د خپلو خبرو پر دوام زیاته کړه چې د چېن هېواد د یو پرمختللي او آرام افغانستان غوښتونکی دی او له دې هېواد سره به په دې برخه کې مرسته وکړي.

باید وویل شي چې په دې کتنه کې د افغانستان بانک د یو شمېر آمرینو او د چین هېواد له سفیر سره راغلي پلاوی هم حاضر وو.

وروستي خبرونه

سه‌شنبه ۱۳۹۹/۴/۲۴ - ۹:۵۹
Background image

دافغانستان بانک 42 میلیونه امریکايي ډالره لیلاموي

کابل، د 1399 کال د چنګاښ 24ـ د افغانستان بانک غواړي چې د 1399 کال د چنګاښ میاشتې په 25 نېټه د چهار شنبه په ورځ د داوطلبۍ په ترڅ کې شاوخوا 42 میلیونه امریکايي ډالره د یوې ازادې او رڼې. . .

چهارشنبه ۱۳۹۹/۴/۱۸ - ۱۵:۳۸
Background image

د پیسو د نړیوال صندوق د ECF نوي پروګرام د پیل غونډه

د ۱۳۹۹ کال د چنګاښ ۱۷ مه - د افغانستان بانک سرپرست ښاغلي اجمل احمدي د پیسو نړیوال صندوق له پلاوي سره د ECF نوي پروګرام په پیل غونډه کې ګدون وکړ.

په دې غونډه کې د پیسو نړیوال صندوق. . .

دوشنبه ۱۳۹۹/۴/۱۶ - ۱۵:۳۴
Background image

د افغانستان بانک سرپرست ښاغلي اجمل احمدي

د افغانستان بانک سرپرست ښاغلي اجمل احمدي په (۱۳۹۹/۰۴/۱۵) نېټې د یکشنبې په ورځ په د افغانستان بانک کې د فساد د دوسیو په تړاو د ولسي جرګې د ملي اقتصاد او د مالي او بودجې کمېسیونونو ته. . .

بېرته خبرونه ته