د پیسو د لېږد (TT) په اړه درېیمه غونډه جوړه شوه

Mpoya
سه‌شنبه ۱۴۰۰/۷/۶ - ۱۶:۵۱
د پیسو د لېږد (TT) په اړه درېیمه غونډه جوړه شوه

د افغانستان د اسلامي امارت د رئیس الوزرا د مرستیال ښاغلي عبدالسلام حنفي په مشرۍ د پیسو د لېږد (TT)په اړه د غونډو پر دوام چې د افغانستان بانک او د مالیې په محترم وزارت کې جوړې شوې وې، نن د تلې د میاشتې پر ۶ نېټه درېیمه غوڼده جوړه شوه.

په دې غونډه کې د افغانستان بانک د مرستیالانو سربېره د مالیې ښاغلي وزیر او د سوداګرۍ او صنعت ښاغلي وزیر او د افغانستان بانک د اړوندو برخو آمرینو هم ګډون کړی وو.

په دې غونډه کې هغه طرحه چې په فعلي شرایطو کې په افغانستان کې د نړیوالو پولي انتقالاتو لپاره جوړه شوې وه د تائید وړ وګرځېده.سوداګریز بانکونه د دې طرحې تر تائید وروسته کولای شي په یاده طرحه کې د ذکر شویو شرایطو په نظر کې نیولو سره د پیسو د لېږد (TT) چارې تر سره کړي.

د یادې غونډې په اوږدو کې په هېواد کې د اسعاري اړتیاوو د پوره کولو لپاره له سوداګرو او پانګه‌والو سره د لومړنیو او طبي توکو، سونګ توکو، بهداشتي موادو، د صنعتي تولیداتو د لومړنیو موادو، د برېښنا پیسې، مخابراتي توکو، خدمتونو او ترانسپورتي اړتیاوو، له سیستمونو څخه د ساتنې او مراقبت او نور د اړتیا وړ توکي چې د افغانستان بانک له لوري تشخیص کېږي تر بحث او د نظرونو تر تبادلو وروسته دا طرحه د تائید وړ وګرځېده.

وروستي خبرونه

شنبه ۱۴۰۰/۹/۶ - ۱۵:۴
Background image

د سوداګریزو بانکونو له استازو سره غونډه

۱۴۰۰ د لیندۍ ۶ مه – د افغانستان بانک د لومړي مرستیال ښاغلي نوراحمد آغا په مشرۍ د افغانستان د بانکونو ټولنې او سوداګریزو بانکونو له استازو سره غونډه جوړه شوه.

په دې غونډه کې د سوداګریزو. . .

سه‌شنبه ۱۴۰۰/۹/۲ - ۱۶:۱۳
Background image

د افغانستان بانک د لومړي مرستیال په مشرۍ غونډه جوړه شوه

۱۴۰۰ د لیندۍ ۲ مه – د افغانستان بانک د لومړي مرستیال ښاغلي نوراحمد آغا په مشرۍ د افغانستان بانک د اړوندو قوانینو، فرمانونو، کړنلارو او لایحو په اړه د دې بانک په عالي شورا کې غونډه جوړه. . .

دوشنبه ۱۴۰۰/۸/۲۴ - ۱۱:۵۳
Background image

د افغانستان بانک 10 میلیونه امریکايي ډالره لیلاموي

1400کال د لړم 24 مه- د افغانستان بانک غواړي چې د 1400 کال د لړم میاشتې په 25 نېټه د سه شنبې په ورځ د داوطلبۍ په اوږدوکې شاوخوا 10 میلیونه امریکايي ډالره د یوې ازادې او رڼې پروسې له لارې. . .

بېرته خبرونه ته