د افغانۍ د ثبات لپاره د افغانستان بانک د هڅو د ملاتړ په موخه مطبوعاتي غونډه جوړه شوه

Mpoya
Mon, Feb 03 2025 2:00 PM
د افغانۍ د ثبات لپاره د افغانستان بانک د هڅو د ملاتړ غونډه جوړه شوه

۱۴۴۶ د شعبان المعظم ۴ مه – د افغانستان د سوداګرۍ او پانګونې خونې له لوري د افغانیو د ارزښت ساتنې لپاره د افغانستان بانک له هڅو د ملاتړ په موخه مطبوعاتي غونډه جوړه شوه. په دې غونډه کې د افغانستان بانک، سوداګرۍ او پانګونې خونې، صرافانو ټولنې، د سوداګرۍ برخې د بېلابېلو ټولونو مشرانو او استازو ګډون کړی وو.

په یاده مطبوعاتي غونډه کې د افغانستان بانک لومړي مرستیال ښاغلي صدیق الله خالد د خپلو خبرو په پیل کې د سوداګرۍ خونې له مشرتابه مننه وکړه چې د افغانۍ د ثبات لپاره د افغانستان بانک د هڅو د ملاتړ په موخه یې رسنیز کنفرانس جوړ کړی دی. نوموړي وویل د افغانستان بانک د خپلو مسؤلیتونو په چوکاټ کې د افغانۍ د ثبات، د بیو ثبات او اقتصادي ټیکاو لپاره اړین اقدامات تر سره کړي دي.

ښاغلي خالد وویل افغانۍ د هېواد ملي هویت دی، او هېوادوال، په ځانګړې توګه سوداګر، باید دا پولي واحد د خپلو سوداګریزو راکړو ورکړو پر مهال وکاروي. د نوموړي په خبره څو ورځې وړاندې د افغانۍ د مبادلې نرخ کې بدلون راغلی و، خو د افغانستان بانک د اړینو اقداماتو له لارې بازار بېرته عادي حالت ته راوګرځاوه. د افغانستان بانک لومړي مرستیال وویل درنو هېوادوالو ته ډاډ ورکول کېږي چې مونږ کافي مالي سرچینې لرو او هر کله چې اړتیا ولیدل شي د معقولو پولي سیاستونو په پام کې نیولو سره اړین ګامونه پورته کېږي.

باید وویل شي چې په یاده غونډه کې د سوداګرۍ او پانګونې خونې مرستیال ښاغلي محمد یونس مومند د افغانۍ د ارزښت او ثبات ساتنه ګډ مسئولیت یاد کړ. ښاغلي مومند له د افغانستان بانک څخه مننه وکړه چې د افغانۍ د ارزښت ساتنې په موخه یې پر وخت اړین ګامونه پورته کړل او وضعیت یې په ښه ډول مدیریت کړ. نوموړي زیاته کړه افغانۍ دا مهال په نړیواله کچه د غوره ثبات لرونکو پولي واحدونو په کتار کې ځای لري او په کار ده چې ټول هېوادوال په ځانګړې توګه سوداګر یې په سوداګریزو راکړو ورکړو کې وکاروي.

 په همدې ډول په دې غونډه کې د صرافانو د ټولنې مشر ښاغلي بهرام خان ځدراڼ هم خبرې وکړې، نوموړي وویل د افغانستان بانک له خپلې ژمنې سره سم اړین ګامونه پورته کړل او د اسعارو پر وړاندې د افغانۍ په نرخ کې د رامنځته شویو تغیراتو مخنیوی یې وکړ، ښاغلي ځدراڼ زیاته کړه عام خلک باید په بې بنسټه آوازو باور و نه کړي او ډاډمن اوسي چې مسئولې ادارې پر وخت اقدامات تر سره کوي.

تر هغې وروسته د افغانستان د سوداګرۍ او پانګې اچونې خونو مرستیال ښاغلي خان‌جان الکوزي خبرې وکړې او د هېواد په اقتصادي رغښت کې یې د سوداګرو رول د ارزښت وړ یاد کړ، نوموړي د دولت او خصوصي سکټور تر منځ ګډه همکاري او همغږي مهمه یاده کړه او په دې برخه کې یې پر لا زیاتې همکارۍ او همغږۍ ټینګار وکړ.

Latest news

Wed, Nov 13 2024 5:17 PM
Background image

DAB Holds National Conference On Microfinance

November 13, 2024-Da Afghanistan Bank (DAB) held the National Conference on Microfinance, attended by representatives from national and international institutions, various countries’. . .

Thu, Nov 07 2024 9:53 AM
Background image

DAB Governor Attends AAOIFI Annual Conference in Bahrain

The governor of Da Afghanistan Bank, Mr. Noor Ahmad Agha, and his accompanying delegation attended the 19th annual Islamic banking and finance conference of the Accounting and Auditing. . .

Thu, Sep 05 2024 2:51 PM
Background image

DAB shares Last Year’s Significant Achievements with Nation

The officials of Da Afghanistan Bank (DAB) shared its achievements and performances with the nation in the Government Accountability to the Nation program in the Government Media and. . .

BACK TO NEWS