د خپلواکۍ د سلمې کلیزې په ویاړ د فوټبال لوبې دوستانه سیالي
کابل، د ۱۳۹۸ کال د زمري ۱۴ مه – د افغانستان بانک او روشن د فوټبال لوبډلو تر منځ د خپلواکۍ د سلمې کلیزې په ویاړ د فوټبال دوستانه لوبه تر سره شوه.
په دغه لوبه کې چې د کابل ښار په غازي سټدیوم کې په لاره اچول شوې وه، د افغانستان بانک د روشن سیالې لوبډلې ته د پنځه دوه په مقابل کې ماتې ورکړه.
د افغانستان بانک د فوټبال لوبډلې د سیالې لوبډلې په وړاندې غوره لوبه تر سره کړه او لومړی ګول د دې لوبډلې د تکړه لوبغاړي ښاغلي مبین له لوري تر سره شو، په دغه لوبه کې مبین دوه ګوله، زاهد، راشد او آصف خادمي یو یو ګول تر سره کړل.
پاتې د نه وي چې په دې لوبه کې د روشن تیم له لوري هم د خپلې سیالې لوبډلې په وړاندې دوه ګولونه تر سره شول، د روشن دفوټبال لوبډله له ځواکمنو لوبډلو شمېرل کېږي چې په ډېری نړیوالو دوستانه لوبو کې یې ګډون کړی او سیالۍ یې ګټلې دي.
