د افغانستان بانک سرپرست په شمال شرق زون کې له شیرخان بندر څخه لیدنه وکړه
د ۱۴۴۴ د شوال المکرم ۳۰ مه - د افغانستان بانک سرپرست رئیس ښاغلي الحاج هدایت الله بدري شمال شرق زون ته د خپل سفر په اوږدو کې د افغانستان بانک له نمایندګۍ څخه چې په شېرخان بندر کې ده لیدنه وکړه.
په دې لیدنه کې د افغانستان بانک سرپرست رئیس د شېرخان بندر نمایندګۍ مدیریت کارکوونکو ته لارښوونه وکړه چې د درنو خلکو او سوداګرو لپاره د غوره او آسانه خدمتونو د وړاندې کولو زمینه برابره کړي. په دې لیدنه کې د شیرخان بندر مدیریت کارکوونکو د افغانستان بانک له سرپرست رئیس سره د غوره بانکي خدمتونو د وړاندې کولو د ژمنې تر څنګ خپلې ستونزې او وړاندیزونه هم شریک کړل.
ښاغلي بدري د دوی د وړاندیزونو، ستونزو او نظریاتو تر اورېدو وروسته ژمنه وکړه چې د قوانینو او مقرراتو په رڼا کې به یې ستونزو ته رسېدنه وکړي.
