د تاشکند غونډه: د افغانستان پلاوي ارزي زېرمو ته د افغانستان بانک پر لاسرسي ټینګار وکړ
د بهرنیو چارو وزارت په استازولۍ د افغانستان لوړ رتبه پلاوي چې په هغې کې د افغانستان بانک نمایندګان هم شامل وو، د روان کال د زمري د میاشتې پر ۵ مه نېټه د ازبکستان هیواد د تاشکند په ښار کې د امریکا د متحده ایالتونو له استازو سره په غونډه کې ګډون وکړ.
په دې غونډه کې د ارزي زیرمو او د افغانستان د اقتصادي وضعیت په ښه کولو کې د هغې د رول په اړه هر اړخیزې خبرې وشوې. د افغانستان پلاوي ارزي زېرمو ته د افغانستان بانک پر لاسرسي او د افغانستان بانک د قانون د حکمونو په رڼا کې د مطلوبو موخو د ترلاسه کولو لپاره له هغې څخه پر رسمې استفادې ټینګار وکړ.
په پایله کې دواړو اړخونو موافقه وکړه چې پدې اړه خبرو اترو ته دوام ورکړي ترڅو مطلوبو پایلو ته ورسېږي.
