د تش بست خبرتیا

د دندې عنوان: د کوچنیو پورونو او مالي اجارې د موسسو د څارنې مدیریت غړی

آمریت: د غیر بانکي مالي موسسو د څارنې لوی آمریت 

گریډ: اتم (۸)

د پیل نیټه: ۱۴۴۶ د جمادی الاول ۵

د پای نیټه: ۱۴۴۶د جمادی الاول ۱۹

د ګمارنې: دایمي

دندې او مسوولیتونه:

•د قوانینو، مقرراتو او څارنیزو کړنلارو سره سم د سپارنې نه اخیستونکو کوچنیو پورونو موسسو د فعالیتونو څارنه؛ 

• د کاري بهیر د اسانولو لپاره له اړونده څانګو سره د اړیکو او همغږۍ ټینګول؛ 

• د میاشتني، ربعوار او کلني کاري راپورونو لومړنی ترتیب او مستقیم مدیر ته لېږل؛ 

• د قوانینو، مقررو او نورو تقنیني اسنادو سره سم د اجارې مالي موسسو او د سپارنې نه اخیستونکو کوچنیو پورونو موسسو څارنه او ارزونه د هغوی د ثبات، سلامتیا او د قوانینو، مقررو او نور تقنیني اسنادو د رعایت څخه ډاډ ترلاسه کول؛ 

• د مالي اجارې موسسو او د سپارنې نه اخیستونکو کوچنیو پورونو موسسو ته د جواز ورکولو د بهیر په ګړندیتوب کې له جواز ورکونې مدیریت سره تخنیکي همکاري او همغږي؛ 

• د مالي اجارې د موسسو او د سپارنې نه اخیستونکو کوچنیو پورونو د موسسو د تګلارو، مقررو، لوایحو، معیاري فورمونو، او لنډمهاله او ستراتیژیک پلانونو په رهبرۍ او پراختیا کې د اړوند قوانینو، مقررو او کړنلارو سره سم له مستقیم مدیر سره مرسته؛ 

• د کاري پلان سره سم خدمتونو د وړاندې کولو په موخه د کاري حدودو په چوکاټ کې د قوانینو، مقرراتو او پالیسیو سره سم د سرچینو، فعالیتونو او د کنترول لاندې کړنو مدیریت؛

• د قوانینو او مقرراتو او اړوندو کړنلارو سره سم د جوازونو د نوي کولو، ځنډولو، یا فسخ کولو او د مالي اجارې موسسو او د سپارنې نه اخیستونکو کوچنیو پورونو موسسو باندې د جریمې، اخطاریې او نور اقداماتو د صدور په اړه معلومات برابرول؛ 

• د مالي اجارې موسسو او د سپارنې نه اخیستونکو کوچنیو پورونو موسسو د سرغړونو په اړه پر وخت د مستقیم مدیر خبرول؛ 

• د اړتیا په صورت کې د اړونده کمیټو په غونډو کې ګډون، او د مرکزي بانک موخو ترلاسه کولو لپاره په رسمي او روزنیزو پروګرامونو کې ګډون؛ 

• د ټاکل شوو چارو د ښه او پر وخت ترسره کولو لپاره د مدیریت له نورو لوړپوړو غړو سره همکاري.

• د مکتوبونو، وړاندیزونو، استعلامونو، او نورو اداري لیکونو لیکنه او په ټاکلي وخت کې د دقیقې مراجعې او اقدام په پام کې نیولو سره طی مراحل کول؛ 

• په دقیق ډول د دوسیو او کارتنونو په شکل د مکتوبونو، وړاندیزونو، استعلامونو او نورو اداري لیکونو ترتیب او د هارډ او سافټ کاپي ساتنه؛

• د کاري پلانونو ترتیب او مستقیم مدیر او واک لرونکي آمر ته د کاري راپور وړاندې کول.

• د نورو هغو دندو او مسئولیتونو ترسره کول چې د کړنلارو، لارښوونو او د لوړو مقاماتو له هدایاتو سره سم د لایحې او مقرراتو له مخې سپارل کېږي.

د زده کړې درجه:

• د اقتصاد، مدیریت، مالي او بانکوالۍ، عامه ادارې او محاسبې په برخه کې د لیسانس درلودل، او په یادو برخو کې د ماسترۍ درجې ته لومړیتوب ورکول کیږي.

تجربه:

د دندې اړوند (3) کاله کاري تجربه

مهارتونه او وړتیاوې:

د دندې د محرمیت ساتل، د هیواد له رسمي ژبو او انګلیسي ژبې سره بلدتیا، د مدیریتي مهارتونو درلودل، په خبرو کې فصاحت او بلاغت، له بانکي قوانینو او مقررو سره بلدتیا، د کاري مسئولیت پوهه او درک او په کاري ساحه کې د ستونزو پېژندل، د کمپیوټري پروګرامونو او بانکي سیستمونو سره بلدتیا،د دندې په موضوعاتو کې د تحلیل وړتیا درلودل، د مالي مسایلو تفسیر او تعبیر او په دقیق ډول مالي راپور ورکونه.

شخصي صفتونه او ارزښتونه:

 رښتینی، د نیک چلند خاوند، نوښتګر، ډسپلین لرونکی، دندې او وخت ته پوره پابند، ډله ایز کار ته لېواله، همکار، مسئولیت منونکی، تصمیم نیوونکی او په کاري برخه کې مسلکي.

یادونه:

• درخواست کوونکی کولای شي لومړی په Jobs.dab.gov.af ویب پاڼه کې ځانته یوزر جوړ او بیا د خپلي خوښي بست وټاکي او غوښتل شوي سندونه دې د pdf په بڼه اپلوډ کړي.

• د ازموینې د اخیستلو لپاره یوازې له ټاکل شویو درخواست کوونکو سره اړیکه نیول کېږي.

• د آزموینې نېټه وروسته اعلانیږي.