د افغانستان بانک د هېواد په شمال زون کې  د محصلینو او صحي برخې د کارکوونکو لپاره ورکشاپ جوړ کړ

Mpoya
Mon, Apr 21 2025 1:18 PM
د افغانستان بانک د هېواد په شمال زون کې  د محصلینو او صحي برخې د کارکوونکو لپاره ورکشاپ جوړ کړ

د ۱۴۴۶ شوال المکرم ۲۳ مه - د افغانستان بانک د محصلینو او صحي برخې د کارکوونکو لپاره د مالي پوهاوي، برېښنایي بانکوالۍ، وړو مالي تمویلاتو او د بانکي سکتور د پیاوړتیا په موخه روزنیز ورکشاپ جوړ کړ.

یاد ورکشاپ، چې د هېواد د شمال زون له یو شمېر پوهنتونونو او د بلخ د عامې روغتیا ریاست سره په همغږۍ جوړ شوی وو، د افغانستان بانک د لومړي مرستیال ښاغلي صدیق الله خالد له لوري یې پرانیسته وشوه. د دې ورکشاپ په پیلیزه وینا کې د افغانستان بانک لومړي مرستیال وویل "زما لپاره د ویاړ ځای دی چې نن د افغانستان بانک په استازیتوب، د قدر وړ محصلینو او د صحي برخې د کارکوونکو لپاره د دې ارزښتناک ورکشاپ پرانیسته کوم ".

نوموړي زیاته کړه، چې د افغانستان بانک تل هڅه کوي له اکاډمیکې او مسلکي ټولنې سره د فکر، څېړنې او عمل ګډ سفر ولري، ترڅو په هېواد کې د مالي سواد، مالي شمولیت، د خدماتو د پراخوالي او اقتصادي پرمختګ لپاره عملي او مؤثرې لارې وموندل شي.

باید وویل شي چې په دې ورکشاپ کې د غیر بانکي مالي مؤسساتو څخه د څارنې، د بانکي څارنې او مالي خدمتونو، د عامه اعتبارونو د ثبت او مالي خدمتونو د پراختیا او د افغانستان د تادیاتو سیستم د لویو آمریتونو له لوري د اړوندو موضوعاتو په اړه مفصل پریزنټېشنونه وړاندې شول. محصلینو ته د وړو مالي تمویلاتو، برېښنایي بانکوالۍ، مالي شمولیت، د بانکي خدمتونو د پراخوالي او د اقتصادي ثبات په برخو کې معلومات ورکړل شول.

د ورکشاپ موخه دا وه، چې محصلینو او د صحي برخې کارکوونکو ته د مالي سکتور د مهمو موضوعاتو په اړه پوهاوی ورکړل شي، هغوی وهڅوي چې د خپلو تحلیلونو، څېړنو او نوښتونو له لارې، د هېواد د اقتصادي ودې لپاره رغنده رول ولوبوي، له مالي خدمتونو ګټه واخلي او نور خلک هم دې برخې ته را وبولي.

د یادونې وړ ده چې په دې ورکشاپ کې ګډونوالو ته د پوښتنو او نظریو د شریکولو فرصت هم برابر شوی وو او د دوی پوښتنو ځوابونه وویل شول.

Latest news

Wed, Mar 19 2025 2:48 PM
Background image

DAB, MoF Ink MoU on Digital Payments

Da Afghanistan Bank (DAB) and the Ministry of Finance (MoF) signed a memorandum of understanding (MoU) regarding the transparent collection of revenues, Emirate expenditures, and. . .

Mon, Feb 24 2025 8:36 AM
Background image

DAB Governor Meets with Governor of Uzbekistan’s Central Bank

February 23, 2025 – The Governor of Da Afghanistan Bank, Noor Ahmad Agha, met with his counterpart from the Central Bank of Uzbekistan, Timur Ishmetov, during the Islamic Emirate’s high. . .

Wed, Nov 13 2024 5:17 PM
Background image

DAB Holds National Conference On Microfinance

November 13, 2024-Da Afghanistan Bank (DAB) held the National Conference on Microfinance, attended by representatives from national and international institutions, various countries’. . .

BACK TO NEWS