د افغانستان بانک د ټولو سرپرست رئیس د ایم ټي ان شرکت مسؤلینو سره ولیدل

Mpoya
Wed, Feb 28 2024 9:11 AM
د افغانستان بانک د ټولو سرپرست رئیس د ایم ټي ان شرکت مسؤلینو سره ولیدل

۱۶ شعبان المعظم ۱۴۴۵- د افغانستان بانک او د ایم ټي ان شرکت نویو مسؤلینو ترمنځ د برېښنايي معاملاتو  په برخه کې د همکارۍ او آسانتیاوو رامنځته کولو په موخه غونډه جوړه شوه.

د افغانستان بانک د ټولو سرپرست رئیس ښاغلي هدایت الله بدري وویل چې د افغانستان بانک په معاملاتو کې د نغدو پیسو د کارَونې د کچې راکمولو او د برېښنايي معاملاتو د ترویج په برخه کې هر ډول هڅو او نوښتونو ته د قدر په سترګه ګوري او ژمن دی ترڅو د قوانینو او مقرراتو په رڼا کې په هېواد کې د بانکي او غیربانکي مالي مؤسساتو د فعالیتونو څخه ملاتړ وکړي. ښاغلي بدري په راکړو ورکړو کي د برېښنایی پیسو رول مهم وباله او په یاد سکتور کې  یې د ایم ټي ان شرکت د نویو مسؤلینو لخوا د غوره خدمتونو وړاندې کولو په برخه کې د هغوی د ژمنو هرکلی وکړ او هغوی ته یې د هر ډول همکاریو ډاډ ورکړ.

ښاغلي بدري زیاته کړه چې موږ چمتو یو ترڅو د معیاري او مؤثرو خدمتونو او آسانتیاوو رامنځته کولو په برخه کې د نویو سیستمونو د فعالیدو لپاره پانګوالو، شرکتونو او سوداګرو ته د همکارۍ لاس ورکړو.

د ایم ټي ان شرکت مسؤلینو یادَونه وکړه چې یاد شرکت په افغانستان کې له ډیرې مودې راهیسې د هېواد وګړو ته خدمات وړاندې کوي او غواړي چې په ځانګړې توګه د برېښنايي پيسو په برخه کې د خپل فعالیت لمنه نوره هم پراخه کړي او د معیاري خدمتونو لپاره د لا زیاتو آسانتیاوو رامنځته کولو په موخه نویو سیستمونو ته پراختیا ورکړي.

د یادونې وړ ده چې په دې غونډه کې د افغانستان بانک د ریاست د دفتر لوی آمر ښاغلي صدیق الله خالد، د افغانستان د اداینو سیستم لوی آمر ښاغلي اسد الله مشفق او د غیر بانکي مالي مؤسساتو آمریت معاون ښاغلي شاه پور میاخیل هم ګډون درلود.

Latest news

Mon, May 20 2024 10:49 AM
Background image

DAB Acting governor meets with UN’ under-secretary general

May 19, 2024- Mr. Hedayatullah Badri, the acting governor of Da Afghanistan Bank, met with Rosemary DiCarlo, United Nations Under-secretary General in the main office of the DAB,. . .

Thu, Dec 28 2023 1:17 PM
Background image

DAB Shared its Six-Month Achievements of FY 1402 to the Public through Press Conference

27 December 2023- DAB organized a press conference pertaining to the dissemination of its first six-month achievements for FY 1402. These achievements were prepared as a summary report. . .

Sat, Dec 02 2023 2:07 PM
Background image

DAB High Level Delegation Participates in 18th AAOIFI - IsDB Conference in Bahrain 

A delegation chaired by Mr. Hedayatullah Badri, Acting Governor of Da Afghanistan Bank, participated in a two-day conference titled “Strategies for the Impending Economic Slowdown and a. . .

BACK TO NEWS