د افغانستان بانک ۱۳ میلیونه امریکايي ډالره لیلاموي
۱۴۴۳ رمضان ۸ مه - د افغانستان بانک غواړي چې د ۱۴۴۳ کال د رمضان د میاشتې په ۹ نېټه د یکشنبې په ورځ د داوطلبۍ له لارې د اړتیا په صورت کې (۱۳) میلیونه امریکايي ډالره په لیلام ډول پلوري. د افغانستان بانک له سوداګریزو بانکونو او د صرافۍ او د پولي خدمتونو له شرکتونو څخه چې په شرایطو برابروي، غوښتنه کوي، څو په دې داوطلبۍکې ګډون وکړي. د لیلام ګټوونکي اړ دي څو خپل حسابونه د لیلام د ورځې تر پایه پورې تصفیه کړي.
د اسعارو د لیلام په داوطلبۍ کې د معاملاتو قسمي تسویې ته اجازه نه ورکول کیږي، د لیلام ګټوونکي د خپل ذمت د قیمت پیسې په یو ځل په نغد ډول په ټاکلي موده کې د افغانستان بانک ته سپاري.
