مشرانو جرګې د یوې غونډې په ترڅ کې د افغانستان بانک د امنیتي کمرو د تخنیکي ستونزې د څرنګوالي په اړه بحث وکړ

Mpoya
چهارشنبه ۱۳۹۹/۵/۸ - ۱۸:۴۹
 مشرانو جرګې د یوې غونډې په ترڅ کې د افغانستان بانک د امنیتي کمرو د تخنیکي ستونزې د څرنګوالي په اړه بحث وکړ

۱۳۹۹، د زمري ۸ ـ د افغانستان بانک د لوی ریاست سرپرست ښاغلي اجمل احمدي د افغانستان بانک د بانکي عملیاتو او خدماتو له عمومي آمرینو سره  د امنیتي کمرو د بندیدو په تړاو د معلوماتو د وړاندې کولو لپاره نن مشرانو جرګې ته وغوښتل شو.

د دې غوندې په اوږدو کې د مشرانو جرګې دویم نایب ښاغلي محمد اکبر ستانکزي له یو شمېر ښاغلو سناتورانو سره یو ځای په ځینو رسنیو کې د خپرو شویو خبرونو د صحت په اړه د افغانستان بانک له مشرتابه پلاوي څخه د معلوماتو غوښتنه وکړه.

د افغانستان بانک د لوی ریاست سرپرست ښاغلي اجمل احمدي په رسنیو کې د خپاره شويو راپورونود ناسم بللو ترڅنګ معلومات ورکړه چې د روان کال د چنګاښ د میاشتې په ۲ نېټه له غرمې وروسته ۵:۴۰ دقیقې یو شمېر محدودې امنیتي کمرې د تخنیکي ستونزې له امله له  فعالیته غورځیدلې وې؛ چې موضوع د پخواني دویم مرستیال، د خزانې مسئولینو، د خدماتو لوی آمر او د بانک د ټولو ناظر په حضور کې په هر اړخیزه توګه تر څېړنې لاندې نیول شوې چې د ټولو ناظر د ادارې د څېړنو پر بنسټ، د بانک خزانې او شتمنیو ته هیڅ ډول زیان نه دی رسیدلی.

د افغانستان بانک د ریاست سرپرست د بانک خزانه یو خوندي او محفوظ ځای وباله چې هغه ته لاسرسۍ د بانکي کړنلارو پر بنسټ کیږي او تل د څو ډوله داخلي او خارجې کمرو د څار لاندې وي.

وروستي خبرونه

پنجشنبه ۱۴۰۰/۲/۱۶ - ۱۰:۲۲
Background image

د افغانستان بانک 27 میلیونه امریکايي ډالره لیلاموي

کابل، 1400 کال د غویی 16ـ د افغانستان بانک غواړي چې د 1400 کال د غویی میاشتې په 18 نېټه د شنبې په ورځ د داوطلبۍ په اوږدوکې شاوخوا 27 میلیونه امریکايي ډالره د یوې ازادې او رڼې پروسې له. . .

چهارشنبه ۱۴۰۰/۲/۱۵ - ۱۷:۶
Background image

د افغانستان بانک او د صرافانو د یووالي شورا غونډه

۱۴۰۰ کال د غوایي ۱۵ مه – د افغانستان بانک د سرپرست ښاغلي اجمل احمدي په مشرۍ د صرافانو د یووالي شورا د رئیس او زیات شمېر صرافانو او د پولي خدمتونو له وړاندې کوونکو سره غونډه جوړه شوه.

د. . .

سه‌شنبه ۱۴۰۰/۲/۱۴ - ۱۳:۹
Background image

د کړنې پر سکتور باندې په ګردښت کې د پانګې د پور اغېزې

د بزګر له لوري د پور ترلاسه کول، د هېواد اقتصادي وده، د کرنیزو کړنو میکانیزه کول، د اسعاري عوایدو زیاتېدل، د کرنیزو محصولاتو ډېروالی، بهرنیو هېوادونو ته د صادراتو زیاتېدل، د محصولاتو. . .

بېرته خبرونه ته