په لویدیځ زون کې څه باندې ۵۵۹ میلیونه افغانیو په ارزښت مندرس بانکنوټونه وسوځول شول
۱۴۴۶ د محرم الحرام ۲۹ مه – د افغانستان بانک له لوري (۵۵۹،۱۴۰،۰۰۰) پنځه سوه نهه پنځوس میلیونه، یو سل څلویښت زره افغانیو په ارزښت مندرس بانکنوټونه چې د لویدیځ زون هرات ولایت په خزانه کې موجود وو او د افغانۍ
( ۱۰۰۰،۵۰۰،۱۰۰،۵۰،۲۰،۱۰) انواعیې په کې شاملې وې د ټاکل شوي پلاوي په شتون کې و سوځول شول.
د یادو بانکنوټونو د سوځونې پر مهال د افغانستان بانک دویم مرستیال ښاغلي ملا محمد آخند له خلکو وغوښتل چې د سوداګریزو راکړو ورکړو پر مهال د بانکنوټونو ساتنې ته پوره پاملرنه وکړي، ترڅو له وخت وړاندې مندرس نه شي، نوموړي زیاته کړه د بانکنوټونو ساتنې ته نه پاملرنه د دې سبب شوې ده چې بانکنوټونه له وخت وړاندې مندرس شي.
د یادونې وړ ده، چې راټول شوي مندرس بانکنوټونه د عدلیې او مالیې وزارتونو، اړوندو ادارو او د افغانستان بانک د بېلابېلو آمریتونو د استازو په شتون کې د ګمارل شوي پلاوي له خوا وسوځول شول.
