د افغانستان بانک خبرتیا!
ګرانو هیوادوالو!
د مخکنۍ پرېکړې او خبرتیا پر بنسټ د افغانستان بانک ستاسې د راکړو ورکړو په برخه کې د اسانتیا رامنځته کولو په موخه د لسو او شلو افغانیو مندرس بانکنوټونه راټول او په بدل کې یې بازار ته د ورته انواعیو درلودونکي نوي بانکنوټونه وړاندې کوي. دا پروسه نن سه شنبه د ۱۴۰۲ کال د غبرګولي میاشتې له ۱۶نېټې څخه په ټول هیواد کې پیل شوې ده.
ګران هیوادوال کولای شي چې په مرکز او ولایتونو کې د افغانستان بانک یا د سوداګریزو بانکونو نمایندګیو ته مراجعه وکړي او تر (۱۰۰۰۰) لس زره افغانیو پورې خپل مندرس بانکنوټونه پرته له کوم فیس څخه په نوو بانکنوټونو بدل کړي او د لس زره افغانیو څخه زیاتې مندرسې پیسې په خپل بانکي حساب کې جمع کړي او یا يې د خپلو تادیاتي وجایبو او اداینو په برخه کې وکاروي. بانکونه هم اړ دي ترڅو د لسو او شلو انواعیو مندرس افغاني بانکنوټونه ترلاسه او له ټاکل شوې کړنلارې سره سم یې له کوم فیس یا کمیشن څخه پرته په نوو بانکنوټونو بدل کړي.
