د چارو د همغږۍ او کړنو د اصلاحاتو غونډه
![د چارو د همغږۍ او کړنو د اصلاحاتو غونډه](/sites/default/files/2022-11/1_0.jpg)
۱۴۴۴ ربیع الثاني ۸ مه – د افغانستان بانک د سرپرست رئیس ښاغلي عبدالقاهر حاجي ادریس په مشرۍ د چارو د همغږۍ او کړنو کې د اصلاحاتو غونډه جوړه شوه.
په یاده غونډه کې د افغانستان بانک سرپرست رئیس ښاغلي عبدالقاهر حاجي ادریس په چارو کې همغږي او په کړنو کې اصلاحات د ډېر ارزښت وړ یاد کړل او زیاته یې کړه چې ګډې موخې ته د رسېدو لپاره باید یاد ټکي په نظر کې ونیول شي.
نوموړي د افغانستان بانک له کارکوونکو و غوښتل چې خپل مسئولیتونه چی تاسو یی دالله تعالی اوملت په وړاندی لرۍ په پوره صداقت او روڼتیا سره تر سره کړي او له دې لارې د خلکو او هېواد لپاره د خدمت جوګه شي.
په یاده غونډه کې د افغانستان بانک د دعوت او ارشاد آمریت آمر اوهمکارانوهم ګډون درلود نوموړی دافغانستان بانک کارکوونکو ته په خپلو خبرو کې یادونه وکړه چې مونږ او تاسو ته لوی مسئولیتونه راسپارل شوی دی دغه مسؤلیتونه باید په پوره اخلاص اوامانت داری سرته ورسوو اوخپل صورت اوسیرت باید دشریعت مطهره سره برابر کړو،دیادی غونډی په پای کی دافغانستان بانک دریاست دفتر لوی آمر صدیق الله خالد زیاته کړه ټول کارکونکی باید دظاهر اوباطن په جوړولو سره خپل کارونه په شفافه اومنظمه توګه انجام کړی.