د افغانستان او ترکمنستان ترمنځ د څلورو اقتصادي ستراتیژیکو سندونو لاسلیکول

Mpoya
چهارشنبه ۱۳۹۹/۷/۹ - ۱۸:۶
موضوع:د افغانستان او ترکمنستان ترمنځ د څلورو اقتصادي ستراتیژیکو سندونو لاسلیکول

د افغانستان او ترکمنستان د هېوادونو چارواکو نن چهار شنبه د ۱۳۹۹ کال د تلې د میاشتې په ۹ نېټه د اقتصادي همکاریو څلور ستراتیژیک سندونه چې له ترکمنستان څخه افغانستان ته د برېښنا د لېږد لیکه، د هرات د غازو د پایپ لاین د فاز تطبیق (TAPI)، د فایبر نوري شبکه او د ترکمنستان له یو مخابراتي شرکت سره د افغان بیسیم شرکت تړون رانغاړي، د افغانستان د اسلامي جمهوریت د جمهور رئیس جلالتماب محمد اشرف غني په حضور کې لاسلیک شول.

په دې غونډه کې چې په ولسمشرۍ ماڼۍ کې جوړه شوې وه، په پیل کې د افغانستان بانک د لوی ریاست سرپرست ښاغلي اجمل احمدي چې د دې هوکړه لیکونو د مذاکره کوونکي پلاوي مشري یې پر غاړه درلوده، د هېواد له جلالتماب ولسمشر څخه د ترکمنستان له ولسشمر سره د دې هوکړه لیکونو لاسلیکولو ته د زمینې د برابرولو پر بنسټ د قدردانۍ او مننې ترڅنګ خبرې وکړې او زیاته یې کړه چې د دې پروژو پلي کول دواړو هېوادونو لپاره سترې اقتصادي ګټې او د سوداګریزو اړیکو پراختیا تر شاه لري.

ورپسې د ترکمنستان د بهرنیو چارو وزیر ښاغلي رشید مریدوف چې د هغه هېواد په استازیتوب یې په دې غونډه کې ګډون کړی ؤ د دواړو هېوادونو ترمنځ د همکاریو په زیاتوالي باندې یې د ټینګار ترڅنګ وویل چې ترکمنستان او افغانستان د تاریخ په اوږدو کې دوه ملګري او ښه ګاوندي هېوادونه دي چې د ښه دیپلوماتیکو اړیکو ترڅنګ یې نېکې سوداګریزې اړیکې درلودې او لري یې.

په پای کې د افغانستان د اسلامي جمهوریت ولسمشر جلالتماب محمد اشرف غني د ترکمنستان له ولسمشر ښاغلي قربانعلی بردی محمدوف څخه د دې ستراتیژیکو اقتصادي هوکړه لیکونو د لاسلیکولو لپاره د لازمې زمینې د برابرولو په موخه د مننې ترڅنګ د دې سترو اقتصادي پروژو پلي کول دواړو هېوادونو لپاره مهم وګڼل.

د دې هوکړه لیکونو پهلاسلیکولو سره به له یوې خواد افغانستان او ترکمنستان ترمنځ سوداګریزې او اقتصادي اړیکې پراخه شي او له بلې خو به زمونږه په زرګونو هېوادوالو ته د کار کولو (بوختیا) زمینه برابره شي. 

وروستي خبرونه

سه‌شنبه ۱۴۰۴/۴/۱۰ - ۱۵:۵۹
Background image

د افغانستان بانک 15 میلیونه امریکايي ډالره لیلاموي

1447 محرم‌ الحرام 5 مه - د افغانستان بانک غواړي چې د 1447 کال د محرم‌ الحرام د میاشتې په 6 نېټه (1404/04/11) د چهار شنبې پر ورځ د داوطلبۍ له لارې د (15) میلیونه امریکايي ډالرو پورې مبلغ. . .

یکشنبه ۱۴۰۴/۴/۸ - ۱۷:۲۸
Background image

د افغانستان بانک د سرپرست رئیس په مشرۍ پلاوی مراکش ته په سفر روان شو

۳ محرم‌ الحرام ۱۴۴۷ هـ ق – د افغانستان بانک سرپرست رئیس، ښاغلی نور احمد آغا، د یو لوړپوړي پلاوي په مشرۍ مراکش هېواد ته په سفر روان شو، څو د اسلامي مالي خدمتونو بورډ (IFSB) په کلنۍ. . .

شنبه ۱۴۰۴/۴/۷ - ۱۵:۲۱
Background image

د افغانستان بانک لومړي مرستیال د افغانستان او امریکا د سوداګرۍ خونې له رئیس سره ولیدل

۱۴۴۷ محرم الحرام ۲ مه - د افغانستان بانک لومړي مرستیال ښاغلي صدیق الله خالد په خپل کاري دفتر کې د افغانستان او امریکا د سوداګرۍ د ګډې خونې رئيس ښاغلي جیفري ګریکو سره ولیدل.

په دې. . .

بېرته خبرونه ته