د مالي او بانکي سکتور د بیا رغونې کمېټې غونډه جوړه شوه
د ۱۴۴۴ کال د صفر المظفر ۱۳ مه – د افغانستان بانک د سرپرست رئیس ښاغلي عبدالقاهر ( حاجي ادریس) په مشرۍ د مالي او بانکي سکتور د بیا رغونې د عمل پلان په اړه غونډه جوړه شوه.
په یاده غونډه کې د دې پلان په اړه هر اړخیز بحث او د نظرونو تبادله تر سره او پدې اړه د بانکي څارنې د لوی آمریت د کارکوونکو لخوا د یو پریزنټیشن له لارې معلومات شریک شول.
د افغانستان بانک سرپرست رئیس ښاغلي حاجي ادریس د مالي او بانکي سکتور د بیا رغونې د عمل پلان د خورا ارزښت وړ یاد کړ او یادونه یې وکړه چې دا پلان کولای شي د مالي او بانکي سکتور برخې په ښه ډول بریالیتوب ته ورسوي.
باید وویل شي چې دا پلان په درېیو برخو کړکېچ، نارمل کېدل او پرمختګ برخو کې ترتیب شوی دی او ډېر ژر به عملي او له درنو هېوادوالو او اړوندو ادارو سره شریک کړل شي.
