د ملگرو ملتونو د سازمان پلاوي سره د افغانستان بانک د چارواکو لیدنه

Mpoya
چهارشنبه ۱۴۰۱/۹/۲ - ۱۵:۵۸
د ملگرو ملتونو د سازمان پلاوي سره د افغانستان بانک د چارواکو لیدنه

۲۸ ربیع الثانی ۱۴۴۴ –  د افغانستان بانک چارواکو په افغانستان کې د ملګرو ملتونو له استازو سره لیدنه او خبرې اترې وکړې. په دې غونډه کې د افغانستان بانک د ریاست د دفتر لوی آمر ښاغلي صدیق الله خالد، د افغانستان بانک د پالیسۍ ستر سلاکار ښاغلي لطف الحق پسرلي د یوناما له استازي مرستیال ښاغلي رامیز الاکبروف او د هغه نورو همکارانو سره د ملي اقتصاد ودې، د بانکي سکتور عادي کولو او د بشري مرستو د همغږۍ په اړه خبرې وکړې او له ګډوانوالو سره یي خپل نظریات شریک کړل.

د افغانستان بانک د ریاست د دفتر لوی آمر ښاغلي صدیق الله خالد په افغانستان کې د ملگرو ملتونو د سازمان د دفتر له فعالیتونو څخه مننه وکړه او ویې ویل چې د افغانستان د بشري او اقتصادي وضعیت په ښه والي کې د یوناما رول اغېزناک وو. ښاغلي خالد زیاته کړه چې له نېکه مرغه د افغانستان بشري او اقتصادي وضعیت مخ په ښه کېدو دی او بانکي نظام هم زیاتې لاسته راوړنې لرلې دي.

د افغانستان بانک د پالیسۍ ستر سلاکار، ښاغلي لطف الحق نور پسرلي وویل چې د افغانستان بانک ژمن دی څو د ملي او نړیوالو قوانینو په رڼا کې هېوادوالو او داخلي او بهرنیو ادارو ته غوره خدمتونه رامنځته کړي.

د ملګرو ملتونو سازمان د مرستندویه پلاوي ځانګړي استازي مرستیال، ښاغلي رامیز الاکبروف دې سازمان ته په هېواد کې د بانکي آسانتیاوو رامنځته کولو په برخه کې د افغانستان بانک له همکارۍ څخه د مننې ترڅنګ د لا زیاتو همکاریو ژمنه وکړه.

وروستي خبرونه

پنجشنبه ۱۴۰۱/۹/۱۷ - ۱۲:۱۵
Background image

په افغانستان کې د ملګرو ملتونو له مشرې سره غونډه

۱۴۴۴ جمادي الاول ۱۴ مه – په افغانستان کې د ملګرو ملتونو له استازې آغلې رزا اوتونبایوا سره د افغانستان بانک سرپرست رئیس ښاغلي عبدالقاهر ( حاجي ادريس) ولیدل او پر یو شمېر مهمو موضوعاتو یې. . .

سه‌شنبه ۱۴۰۱/۹/۱۵ - ۱۶:۳
Background image

د افغانستان بانک د عالي شورا غونډه جوړه شوه

د 1444 د جمادي الاول 12مه - د افغانستان بانک عالي شورا چې د دې بانک د پرېکړو کولو تر ټولو لوړه مرجع ده، د اوسنیو شرایطو په پام کې نیولو سره د مناسبو پولي سیاستونو د پلي کولو او د بانکي. . .

سه‌شنبه ۱۴۰۱/۹/۱۵ - ۱۳:۱۵
Background image

افغانستان ته د ۴۰ میلیونه ډالرو د بشري مرستو  بله کڅوړه را ورسېده

۱۴۴۴ جمادي الاول ۱۲ مه -  افغانستان ته د ۴۰ میلیون ډالرو نغدي بشري مرستې بله کڅوړه را ورسېده او په کابل کې یو سوداګریز بانک ته و سپارل شوه. دا په روانه اونۍ کې دویمه کڅوړه ده چې. . .

بېرته خبرونه ته