سوداګریزو بانکونو ته د نویو بانکنوټونو د ورکړې پیل

Mpoya
چهارشنبه ۱۴۰۱/۱۱/۵ - ۱۵:۵
خصوصي بانکونو ته د نویو بانکنوټونو د ورکړې پیل

۱۴۴۴ رجب المرجب ۳ مه –  د افغانستان بانک د هېواد د مرکزي بانک په توګه چې یوه دنده یې د پولي سیاستونو طرح او د بانکنوټونو چاپ او نشر دی تل هڅه کړې چې د بازار اړتیا ته په کتلو او د معقولو پولي سیاستونو په پام کې نیولو سره بازار ته نوي بانکنوټونه وړاندې کړي او په مقابل کې یې له بازارونو څخه زاړه بانکنوټونه را ټول کړي.

له څه مودې راهیسې خلکو په بازارونو کې د زړو بانکنوټونو له شتون شکایت درلود دا دي د افغانستان بانک د امکاناتو په پام کې نیولو سره سوداګريزو بانکونو ته د نویو بانکنوټونو د ورکړې پروسه پیل کړه.

باید وویل شي چې د هېواد ټولو سوداګریزو بانکونو ته ۱۰۰ میلیون نوي بانکنوټونه وویشل شول او په مقابل کې یې له یادو بانکونو څخه زاړه بانکنوټونه راټول شول. په دې بانکنوټونو کې لس ګون، شل ګون، پنځوس ګون او سل ګون بانکنوټونه شامل دي.

د افغانستان بانک د هېواد له شریفو خلکو هیله لري چې د افغانۍ بانکنوټونو د ژر زړېدو څخه د مخنیوي لپاره لازم تدابیر په پام کې و نیسي، تر څو له وخت وړاندې زاړه نه شي او پدې وسیله د دې ملي پانګې په ساتنه کې خپل مثبت رول تر سره کړي.

وروستي خبرونه

سه‌شنبه ۱۴۰۱/۱۱/۱۱ - ۱۳:۲
Background image

د افغانستان بانک 16 میلیونه امریکايي ډالره لیلاموي

 1444رجب المرجب 9 مه - د افغانستان بانک غواړي چې د 1444 کال د رجب المرجب د میاشتې په 10 نېټه (1401/11/12) د چهار شنبې په ورځ د داوطلبۍ له لارې تر (16) میلیونه امریکايي ډالرو پورې د. . .

شنبه ۱۴۰۱/۱۱/۸ - ۱۶:۵۷
Background image

په هېواد کې د اسلامي بانکوالۍ د پیاوړتیا او پراختیا په موخه د یو ورځني ګفتمان جوړېدل

۱۴۴۴ رجب المرجب ۶ مه – په هېواد کې د اسلامي بانکوالۍ د پیاوړتیا، پراختیا او مالي خدمتونو ته د خلکو د لاسرسي لپاره مناسبو زمینو برابرولو په موخه د افغانستان بانک د عالي شورا په تالار کې. . .

شنبه ۱۴۰۱/۱۱/۸ - ۱۴:۵۱
Background image

نړیوال بانک په خپل وروستي راپور کې د انفلاسیون د کموالي او د افغانیو د ارزښت د ټیکاو په تړاو یادونه کړې ده

افغانستان په تیر یو کال کې د بانکي نظام پر وړاندې له محدودیتونو سره سره، د بیو د ټیکاو ساتلو، د افغانیو د ارزښت د ټیکاو او د انفلاسیون د کنټرول په برخه کې د پام وړ لاسته راوړنې درلودلي. . .

بېرته خبرونه ته