هیواد ته د بشرپاله مرستو په لړ کې د ۳۲ میلیون امریکایي ډالرو بله کڅوړه را ورسېده
۱۴۰۰ د کب ۲۱ مه_ افغانستان ته د بشري مرستو په لړ کې نن د ۳۲ میلیونه نغدو امریکایي ډالرو بشري مرستو بله کڅوړه را ورسېده.
افغانستان ته د بشرپاله مرستو له پیل تر دې مهاله دا اتلسمه کڅوړه ده چې کابل ته راځي او افغانستان نړیوال بانک یا (AIB) ته سپارل کېږي.
د افغانستان بانک له مرسته کوونکو هیوادونو څخه د مننې تر څنګ غواړي چې د بانکي اړیکو په برخه کې د آسانتیاوو په رامنځته کولو کې هم له افغانستان سره مرسته وکړي.
