د افغانستان بانک له لویدیځ زون څخه راټول شوي بانکنوټونه وسوځول

Mpoya
Wed, Feb 21 2024 2:37 PM
https://dab.gov.af/dr/%D8%A8%D8%A7%D9%86%DA%A9%D9%86%D9%88%D8%AA%D9%87%D8%A7%DB%8C-%D8%AC%D9%85%D8%B9-%D8%A2%D9%88%D8%B1%DB%8C-%D8%B4%D8%AF%DB%80-%D8%B2%D9%88%D9%86-%D8%BA%D8%B1%D8%A8-%D8%AF%D8%B1-%D9%88%D9%84%D8%A7%DB%8C%D8%AA-%D9%87%D8%B1%D8%A7%D8%AA-%D8%AD%D8%B1%DB%8C%D9%82-%DA%AF%D8%B1%D8%AF%DB%8C%D8%AF

۱۴۴۵ شعبان المعظم ۱۰- د افغانستان بانک په راکړو ورکړو کې د آسانتیاوو رامنځته کولو په موخه د افغانستان بانک د قانون د ۳۹ او ۴۲ مادو او اړوندې کړنلارې سره سم د ۴۹۳۰۷۰۰۰۰ (څلور سوه درې نوي میلیونه او اویا زره) افغانیو په ارزښت له لویدیځ زون څخه راټول شوي د افغانۍ زاړه بانکنوټونه په هرات ولایت کې وسوځول.

دا بانکنوټونه د افغانستان بانک لومړي مرستیال ښاغلي نور احمد آغا په مشرۍ د ګمارل شوي پلاوي تر څارنې لاندې له کره شمېرنې او کنټرول څخه وروسته وسوځول شول چې د (۱۰، ۲۰، ۵۰، ۱۰۰) افغانۍ انواعیې پکې شاملې وې.

د افغانستان بانک لومړي مرستیال ښاغلي نور احمد آغا په خپلو خبرو کې د افغانستان بانک د زونونو او نمایندګیو صرافانو او خزانه دارانو ته وویل چې د مندرسو بانکنوټونو د چِک، کنټرول او کره تشخیص په برخه کې جدي پاملرنه وکړي. همداراز، هغه زیاته کړه چې د مندرسو بانکنوټونو د شمېرلو او کنترولولو پر مهال د حریق پلاوی دې ټکي ته متوجه شو چې ډیری مندرس بانکنوټونه په غوړو او ککړو لاسونو نیول شوي وو او له همدې امله پر مندرسو بانکنوټونو بدل شوي او د افغانستان بانک یې د سوځولو او پرځای یې د نویو بانکنوټونو چاپولو په تړاو پریکړه وکړه. ښاغلي نور احمد آغا زیاته کړه چې د نوو بانکنوټونو پر چاپ ډیر لګښت راځي او له هېوادوالو څخه یې وغوښتل چې د افغاني بانکنوټونو د سمې ساتنې او کارَونې په برخه کې له ډیرې پاملرنې څخه کار واخلي.

د یادونې وړ ده چې د افغانستان بانک په راکړو ورکړو کې د آسانتیاوو رامنځته کولو په موخه وخت په وخت د افغانۍ زاړه بانکنوټونه له بازار څخه راټولوي او په بدل کې یې هېوادوالو ته نوي بانکنوټونه وېشي او د قوانینو او مقرراتو په رڼا کې مندرس بانکنوټونه سوځوي. دا بانکنوټونه د عدلیې او مالیې وزارتونو او د امنیتي ادارو استازو په شتون کې له بارولو وروسته د ټاکل شوي پلاوي لخوا مخصوصو بټیو ته انتقال او په یو ځل وسوځول شو.

Latest news

Mon, May 20 2024 10:49 AM
Background image

DAB Acting governor meets with UN’ under-secretary general

May 19, 2024- Mr. Hedayatullah Badri, the acting governor of Da Afghanistan Bank, met with Rosemary DiCarlo, United Nations Under-secretary General in the main office of the DAB,. . .

Thu, Dec 28 2023 1:17 PM
Background image

DAB Shared its Six-Month Achievements of FY 1402 to the Public through Press Conference

27 December 2023- DAB organized a press conference pertaining to the dissemination of its first six-month achievements for FY 1402. These achievements were prepared as a summary report. . .

Sat, Dec 02 2023 2:07 PM
Background image

DAB High Level Delegation Participates in 18th AAOIFI - IsDB Conference in Bahrain 

A delegation chaired by Mr. Hedayatullah Badri, Acting Governor of Da Afghanistan Bank, participated in a two-day conference titled “Strategies for the Impending Economic Slowdown and a. . .

BACK TO NEWS