د افغانستان بانک له لویدیځ زون څخه راټول شوي بانکنوټونه وسوځول

Mpoya
چهارشنبه ۱۴۰۲/۱۲/۲ - ۱۴:۳۷
https://dab.gov.af/dr/%D8%A8%D8%A7%D9%86%DA%A9%D9%86%D9%88%D8%AA%D9%87%D8%A7%DB%8C-%D8%AC%D9%85%D8%B9-%D8%A2%D9%88%D8%B1%DB%8C-%D8%B4%D8%AF%DB%80-%D8%B2%D9%88%D9%86-%D8%BA%D8%B1%D8%A8-%D8%AF%D8%B1-%D9%88%D9%84%D8%A7%DB%8C%D8%AA-%D9%87%D8%B1%D8%A7%D8%AA-%D8%AD%D8%B1%DB%8C%D9%82-%DA%AF%D8%B1%D8%AF%DB%8C%D8%AF

۱۴۴۵ شعبان المعظم ۱۰- د افغانستان بانک په راکړو ورکړو کې د آسانتیاوو رامنځته کولو په موخه د افغانستان بانک د قانون د ۳۹ او ۴۲ مادو او اړوندې کړنلارې سره سم د ۴۹۳۰۷۰۰۰۰ (څلور سوه درې نوي میلیونه او اویا زره) افغانیو په ارزښت له لویدیځ زون څخه راټول شوي د افغانۍ زاړه بانکنوټونه په هرات ولایت کې وسوځول.

دا بانکنوټونه د افغانستان بانک لومړي مرستیال ښاغلي نور احمد آغا په مشرۍ د ګمارل شوي پلاوي تر څارنې لاندې له کره شمېرنې او کنټرول څخه وروسته وسوځول شول چې د (۱۰، ۲۰، ۵۰، ۱۰۰) افغانۍ انواعیې پکې شاملې وې.

د افغانستان بانک لومړي مرستیال ښاغلي نور احمد آغا په خپلو خبرو کې د افغانستان بانک د زونونو او نمایندګیو صرافانو او خزانه دارانو ته وویل چې د مندرسو بانکنوټونو د چِک، کنټرول او کره تشخیص په برخه کې جدي پاملرنه وکړي. همداراز، هغه زیاته کړه چې د مندرسو بانکنوټونو د شمېرلو او کنترولولو پر مهال د حریق پلاوی دې ټکي ته متوجه شو چې ډیری مندرس بانکنوټونه په غوړو او ککړو لاسونو نیول شوي وو او له همدې امله پر مندرسو بانکنوټونو بدل شوي او د افغانستان بانک یې د سوځولو او پرځای یې د نویو بانکنوټونو چاپولو په تړاو پریکړه وکړه. ښاغلي نور احمد آغا زیاته کړه چې د نوو بانکنوټونو پر چاپ ډیر لګښت راځي او له هېوادوالو څخه یې وغوښتل چې د افغاني بانکنوټونو د سمې ساتنې او کارَونې په برخه کې له ډیرې پاملرنې څخه کار واخلي.

د یادونې وړ ده چې د افغانستان بانک په راکړو ورکړو کې د آسانتیاوو رامنځته کولو په موخه وخت په وخت د افغانۍ زاړه بانکنوټونه له بازار څخه راټولوي او په بدل کې یې هېوادوالو ته نوي بانکنوټونه وېشي او د قوانینو او مقرراتو په رڼا کې مندرس بانکنوټونه سوځوي. دا بانکنوټونه د عدلیې او مالیې وزارتونو او د امنیتي ادارو استازو په شتون کې له بارولو وروسته د ټاکل شوي پلاوي لخوا مخصوصو بټیو ته انتقال او په یو ځل وسوځول شو.

وروستي خبرونه

پنجشنبه ۱۴۰۳/۱/۳۰ - ۱۰:۱۲
Background image

د افغانستان بانک 16 میلیونه امریکايي ډالره لیلاموي

1445 شوال المکرم 9 مه - د افغانستان بانک غواړي چې د 1445 کال د شوال المکرم د میاشتې په 11 نېټه (1403/02/01) د شنبې په ورځ د داوطلبۍ له لارې تر (16) میلیونه امریکايي ډالرو پورې د لیلام. . .

دوشنبه ۱۴۰۳/۱/۲۰ - ۹:۴۰
Background image

د آنلاین صرافیو د ممنوعیت په اړه خبرتیا!

په افغانستان کې د آنلاین صرافیو د فعالیت د ممانعت په اړه د افغانستان بانک د مخکینو خبرتیاوو په تعقیب، یو ځل بیا ګرانو هېوادوالو ته خبر ورکول کيږي چې د افغانستان بانک تر اوسه کوم شخص یا. . .

چهارشنبه ۱۴۰۳/۱/۱۵ - ۱۴:۵۳
Background image

د افغانستان بانک خبرتیا!

د افغانستان بانک درنو هېوادوالو ته د غوره بانکي خدمتونو وړاندې کولو او اړینو آسانتیاوو رامنځته کولو په موخه د رمضان المبارک میاشتې له ۲۵ نېټې څخه د کوچني اختر تر ورځې پورې د جمعې د ورځې. . .

بېرته خبرونه ته