بانکي خدمتونو ته د معلولینو د لاسرسي په اړه غونډه
کابل، د ۱۳۹۸ کال د لړم ۱۹ مه – د افغانستان بانک د سرپرست او لومړي مرستیال ښاغلي واحدالله نوشېر او د شهیدانو او معلولینو په چارو کې د دولت د وزیر ښاغلي لعل الدین آریوبي په ګډون غونډه جوړه شوه او په هغې کې بانکونو ته د معلولینو د لاسرسي او په دې برخه کې هغوی ته د آسانتیاوو د رامنځته کولو په اړه خبرې اترې وشوې.
په دې غونډه کې د افغانستان بانک سرپرست او لومړي مرستیال ښاغلي واحدالله نوشېر بانکونو ته د معلولینو د لاسرسي د څرنګوالي او په دې برخه کې د آسانتیاوو د رامنځته کېدو په اړه د افغانستان بانک، د شهیدانو او معلولینو په چارو کې د دولت د وزارت، بشري حقونو د خپلواک کمېسیون او د سوداګریزو بانکونو د استازي په ګډون د یو کمیسیون د جوړېدو غوښتنه وکړه.
نوموړي زیاته کړه چې یاد کمېسیون به په دې اړه خپل وروستي معلومات په راتلونکې غونډه کې له ګډونوالو سره شریک کړي.
د یادونې وړ ده چې په دې غونډه کې د بشري حقونو د خپلواک کمېسیون، سوداګرۍ او صنعت وزارت، د سوداګرۍد نړیوالېخونې او سوداګریزو بانکونو استازو هم ګډون کړی وو.
