د افغانستان بانک خبرتیا!

Mpoya
پنجشنبه ۱۴۰۲/۹/۹ - ۱۴:۱۶
د افغانستان بانک خبرتیا!

دا خبرتیا له سوداګریزو بانکونو سره د خلکو د امانتونو په اړه د مخکینۍ خبرتیا په تعقیب سره ټولو هېوادوالو ته وړاندې کېږي:

بانکي امانتونو ته د پیرودونکو د لاسرسي په برخه کې د آسانتیاوو رامنځته کولو، د هېوادوالو مالي ستونزو د حل او د بانکي فعالیتونو او خدمتونو په وړاندې کولو کې ټول سوداګریز بانکونه او د بهرنیو بانکونو نمایندګۍ د لاندې شرایطو پر پلي کولو مکلفې دي:

۱- د امریکایي ډالرو انفرادي حساب لرونکو ته په اونۍ کې  (۱۰۰۰) زر امریکایي ډالر او که چېرې په میاشت کې یوازې یو ځل د پیسو غوښتنه کېږي پېرودونکو ته په میاشتني ډول (۳۰۰۰ )درې زره امریکایي ډالر ورکول کېږي؛

۲- د افغانۍ انفرادي حساب لرونکو ته په اونۍ کې (۷۰،۰۰۰ ) اویا زره افغانۍ او که چېرې په میاشت کې یوازې یو ځل پیسې ایستل کېږي، پېرودونکو ته په میاشتني ډول (۲۵۰،۰۰۰ ) دوه سوه پنځوس زره افغانۍ ورکول کېږي؛

۳- د دولتي او غیردولتي شرکتونو مشتریانو ته د سوداګریزو بانکونو لخوا د هغوی د امانتونو ۵ سلنه ورکول کیږي، په دې شرط چې  په میاشتني ډول له (۱۰۰،۰۰۰) سل زره امریکايي ډالرو او یا یې په نورو اسعارو له معادل مبلغ څخه زیات نه شي.

د افغانستان بانک د خپلې ژمنې پر بنسټ هڅه کوي چې په دې برخه کې د خپلو هېوادوالو لپاره نورې اړینې آسانتیاوې رامنځته کړي او د بانکي نظام ټول فعالیتونه عادي حالت ته را وګرځوي، ترڅو په دې وسیله درنو هېوادوالو ته د اغېزناکو خدمتونو ترڅنګ د لویو اقتصادي پروژو په تمویل او بیا رغونه کې خپل مثبت رول تر سره کړي.

وروستي خبرونه

چهارشنبه ۱۴۰۲/۱۲/۹ - ۱۱:۱۰
Background image

د افغانستان بانک 17 میلیونه امریکايي ډالره لیلاموي

1445 شعبان المعظم  17 مه - د افغانستان بانک غواړي چې د 1445 کال د شعبان المعظم د میاشتې په 18 نېټه (1402/12/10) د پنج شنبې په ورځ د داوطلبۍ له لارې تر (17) میلیونه امریکايي ډالرو پورې د. . .

چهارشنبه ۱۴۰۲/۱۲/۹ - ۹:۱۱
Background image

د افغانستان بانک د ټولو سرپرست رئیس د ایم ټي ان شرکت مسؤلینو سره ولیدل

۱۶ شعبان المعظم ۱۴۴۵- د افغانستان بانک او د ایم ټي ان شرکت نویو مسؤلینو ترمنځ د برېښنايي معاملاتو  په برخه کې د همکارۍ او آسانتیاوو رامنځته کولو په موخه غونډه جوړه شوه.

د افغانستان. . .

چهارشنبه ۱۴۰۲/۱۲/۲ - ۱۴:۳۷
Background image

د افغانستان بانک له لویدیځ زون څخه راټول شوي بانکنوټونه وسوځول

۱۴۴۵ شعبان المعظم ۱۰- د افغانستان بانک په راکړو ورکړو کې د آسانتیاوو رامنځته کولو په موخه د افغانستان بانک د قانون د ۳۹ او ۴۲ مادو او اړوندې کړنلارې سره سم د ۴۹۳۰۷۰۰۰۰ (څلور سوه درې نوي. . .

بېرته خبرونه ته