د افغانستان بانک سرپرست رئیس د قطر سفارت له مستشار سره ولیدل
![د افغانستان بانک سرپرست رئیس د قطر سفارت له مستشار سره ولیدل](/sites/default/files/2024-08/this_for_site_1.jpg)
۱۴۴۶ د صفر المظفر ۲۲ مه – د افغانستان بانک د ټولو سرپرست رئیس ښاغلي نور احمد آغا په خپل کاري دفتر کې د قطر هېواد د سفارت له مستشار ښاغلي مردف القاشوطي او مل پلاوي سره ولیدل.
په دې لیدنه کې د افغانستان بانک سرپرست رئیس ښاغلي نور احمد آغا د قطر هېواد له همکاریو مننه وکړه او یاد هېواد یې د افغانستان ښه دوست یاد کړ، نوموړي زیاته کړه د افغانستان بانک له ټولو نړیوالو هېوادونو مالي او بانکي بنسټونو سره د غوره اړیکو غوښتونکی دی.
په یاده لیدنه کې د دواړو هېوادونو د مرکزي بانکونو تر منځ د اړیکو د پیاوړتیا، د ډیجیټلایزیشن یا برېښنایي بانکوالۍ د پراختیا، ظرفیت لوړونې او یو شمېر نورو اړوندو موضوعاتو په اړه خبرې اترې وشوې.
باید وویل شي چې په یاده لیدنه کې د قطر هېواد د سفارت مستشار ښاغلي مردف القاشوطي د افغانستان بانک سره د همکارۍ ډاډ ورکړ او له دې بانک سره د اړیکو پراختیا یې د ارزښت وړ یاده کړه.