د بانک د کارکوونکو د کاري رژيم د ټاکلو په موخه د افغانستان بانک بېړنۍ کمېتې غونډه ترسره کړه

Mpoya
یکشنبه ۱۳۹۹/۳/۱۱ - ۸:۲۴
0

کابل، ۱۳۹۹ د غبرګولي ۱۰ – د افغانستان بانک د بېړنيو حالاتو کمېټې چې د افغانستان بانک د دویم مرستیال ښاغلي محمد قسیم رحیمي په مشرۍ پر مخ وړل کېده، غونډه ترسره کړه. د غونډې په اوږدو کې د عامې روغتیا د وزارت د لارښوونو په پام کې نیولو سره په کرونا ویروس د بانک د کارکوونکو له اخته کیدو څخه د مخنیوي په موخه د کاري رژیم د تنظیم له کړنلارې سره سم د افغانستان بانک د کارکوونکو د کاري وختونو د ټاکلو په اړه خبرې وشوې. په پیل کې د افغانستان بانک دویم مرستیال ښاغلي محمد قسیم رحیمي د کار د رژیم د تنظیم له کړنلارې سره سم د کاري وختونو د ټاکلو په اړه خبرې وکړې او زیاته یې کړه چې کاري وختونه باید داسې تنظیم شي چې د افغانستان بانک د بنسټیزو دندو په ترسره کولو کې خنډ واقع نه شي او بانکي خدمتونه هم په عادي توګه ترسره شي. د غونډې په پای کې، د افغانستان بانک دویم مرستیال آمرینو او د بېړنۍ کمېټې غړو ته لارښوونه وکړه څو د افغانستان د اسلامي جمهوریت د کابینې له پریکړې سره سم د کرونا ویروس د مخنیوي په موخه د بشري منابع د لوی آمریت په همغږۍ خپل کاري رژیم تنظیم او له هغه سره سم عمل وکړي. د یادونې وړ ده چې په دې غونډه کې د افغانستان بانک د بېلابېلو شعبو آمرینو هم د موضوع په اړه بحث او نظرونه سره شریک کړل او په پای کې د موضوع په اړه لازمه پریکړه وشوه.

وروستي خبرونه

یکشنبه ۱۳۹۹/۴/۱۵ - ۱۰:۲۰
Background image

دافغانستان بانک 42 میلیونه امریکايي ډالره لیلاموي

کابل، د 1399 کال د چنګاښ 15ـ د افغانستان بانک غواړي چې د 1399 کال د چنګاښ میاشتې په 16 نېټه د دو شنبی په ورځ د داوطلبۍ په ترڅ کې شاوخوا 42 میلیونه امریکايي ډالره د یوې ازادې او رڼې. . .

شنبه ۱۳۹۹/۴/۱۴ - ۱۲:۸
Background image

د افغانستان بانک د لوی ریاست د سرپرست د تسلیت پیغام

انا لله و انا الیه راجعون!

د اقتصادي پراختیا، سوداګرۍ او بې وزلۍ د کمولو په چارو کې د ولسمشر د ځانګړي استازي ارواښاد محمد یوسف غضنفر مړینه ډېره دردوونکې ده. ارواښاد غضنفرد هېواد. . .

چهارشنبه ۱۳۹۹/۴/۱۱ - ۲۱:۱۶
Background image

په د افغانستان بانک کې د فساد د قضیو د څېړنې په بهیر کې د ناسمو نظریاتو او تورونو په اړه توضیحات

د افغانستان بانک مطبوعاتي اعلامیه

نېټه: ١٣٩٩د چنګاښ ۱١

موضوع: په د افغانستان بانک کې د فساد د قضیو د څېړنې په بهیر کې د ناسمو نظریاتو او تورونو په اړه توضیحات

دا مطبوعاتي اعلامیه د د. . .

بېرته خبرونه ته