د تش بست خبرتیا

د دندې عنوان: د څېړنې او پراختیا ارشد مدیر

آمریت: د ریسک ادارې او د قانون رعایتولو لوی آمریت

گرېډ: نهم (۹)

د پیل نېټه: ۱۴۴۸ د ربیع الثاني ۱۴

د پای نېټه: ۱۴۴۸ د ربیع الثاني ۲۸

د ګمارنې ډول: دایمي

دندې او مسوولیتونه:

• د اړوندو کارکوونکو د کړنو مدیریت، رهبري، څارنه، کنترول او ارزونه؛ د کار د ښه والي لپاره د هڅونې رامنځته کول، د کار اغېزناکتیا او مولدیت زیاتول، د روزنیزو اړتیاوو ټاکل او د هغوی د ظرفیت لوړول؛

• د پالیسیو، مقرراتو، کړنلارو، لایحو او د رڼو او حساب ورکوونکو معیاري سیستمونو په طرحه، ترتیب او پراختیا کې همکاري، د ستراتیژیکو او کاري پلانونو تطبیق او د تطبیق له څرنګوالي څخه څارنه؛

• د ریسک مدیریت پالیسۍ، د ریسک ارزونې چوکاټ، د قانون رعایتولو پالیسۍ او نورو نافذو قوانینو او مقرراتو له بشپړ تطبیق څخه ډاډ ترلاسه کول؛

• د افغانستان بانک له اړوندو آمریتونو څخه د حقوقي ریسک په اړه د ترلاسه شوو مکتوبونو د صحت او کیفیت تصدیقول؛

• د پیسو وینځلو او ترهګرۍ د تمویل پر وړاندې د مبارزې په برخه کې د ریسک مدیریت د پراختیا په اړه د څیړنو ترسره کول او د ریسک مدیریت او قانون رعایتولو په برخه کې د پرمختګونو د څرنګوالي په اړه کلني څېړنیز پروګرامونه ترتیبول؛

• د تر اغېز لاندې مدیرانو له لورې د ترسره کېدونکو څېړنیزو پروژو همغږي او څارنه؛

• مستقیم مدیر او واک لرونکي آمر ته له وړاندې کولو مخکې د څیړنې او پراختیا له پایلو څخه ډاډ ترلاسه کول؛

• د ریسک مدیریت او د پیسو وینځلو او ترهګرۍ د تمویل پر وړاندې د مبارزې په برخه کې د نړیوالو بدلونونو او معیارونو ارزونه او د افغانستان بانک په پالیسیو او کړنلارو کې د هغو ځای پر ځای کول؛

• مستقیم مدیر او واک لرونکي آمر ته د څېړنې او پراختیا د پایلو په اړه د دوامداره راپورونو وړاندې کول؛

 • د څېړنې او پراختیا د ریسک اړوندو پالیسیو، کړنلارو او میتودولوژیو بیاکتنه، زیاتونه او تعدیل؛

• د پېژندل شوو ریسکونو د صحت، د څېړنې او پراختیا د ریسک د ارزونې پروسې او له اړوندو آمریتونو سره د ریسک کمولو پلان له تعقیب څخه ډاډ ترلاسه کول او په دې برخه کې له تر اغېز لاندې مدیرانو سره د همکاري او همغږۍ؛

• د ریسکونو د اشتها او زغم د کچې د تطبیق لپاره د افغانستان بانک د ریسک مدیریت او قانون رعایتولو کمېټې ته د اغېزناکو نظرونو او وړاندیزونه وړاندې کول؛

• د څېړنیزو راپورونو (څېړنیزو مقالو) ترتیبول او د ریسک مدیریت او قانون رعایتولو کمېټې ته یې وړاندې کول؛

• د تر اغېز لاندې مدیرانو له لورې د څېړنیزو موندنو څخه ډاډ ترلاسه کول؛

• په روزنیزو پروګرامونو کې ګډون کول او د افغانستان بانک د اړوندو کارکوونکو لپاره د روزنیزو (د ریسک کلتور د ترویج)، پوهاوي او ظرفیت لوړونې پروګرامونو جوړول؛

• د ریسک مدیریت او د پیسو وینځلو او ترهګرۍ د تمویل پر وړاندې د مبارزې په برخه کې د څېړنې او پراختیا په اړه تر اغېز لاندې مدیرانو سره همکاري کول؛

• د کاري پلانونو ترتیبول او مستقیم مدیر او واک لرونکي آمر ته د کاري راپور وړاندې کول؛

• د هغو نورو دندو او مسوولیتونو ترسره کول چې د کړنلارو، لارښوونو او د لوړو مقاماتو له لارښوونې سره سم د لایحې او مقرراتو له مخې سپارل کېږي.Top of Form

د زده کړې درجه:

• لږ تر لږه د اقتصاد، مدیریت، مالي او بانکي، اداره او سوداګري، حقوقو، عامه ادارې او یا محاسبې په برخو کې د لیسانس سند درلودل؛ په پورته برخو کې د ماسترۍ سند ته لومړیتوب ورکول کیږي.

 تجربه:

• د دندې اړوند لږ تر لږه (۴) کاله کاري تجربه درلودل.

مهارتونه او وړتیاوې:

• په رسمي ژبو او انګلیسي ژبه کې د لوړ مهارت درلودل؛

• د مدیریتي مهارتونو درلودل؛

• په خبرو کې فصاحت او بلاغت او د دندې د محرمیت ساتل؛

• له بانکي قوانینو، مقرراتو او د افغانستان بانک د دندو او موخو سره بلدتیا؛

• د مکتوبونو، وړاندیزونو او کاري راپورونو د لیکلو وړتیا درلودل؛

• د کاري مسوولیت پوهه او درک او په کاري ساحه کې د ستونزو پېژندل؛

• له کمپیوټري پروګرامونو او بانکي سیستمونو سره بلدتیا؛

• د وظیفوي موضوعاتو د تحلیل، د مالي موضوعاتو د تفسیر او تعبیر او د دقیقې راپور ورکولو وړتیا درلودل.

شخصي صفتونه او ارزښتونه:

 رښتینی، د نیک چلند خاوند، نوښتګر، ډسپلین لرونکی، دندې او وخت ته پوره پابند، ډله ایز کار ته لېواله، همکار، مسئولیت منونکی، تصمیم نیوونکی او په کاري برخه کې مسلکي.

یادونه:

• درخواست کوونکی کولای شي لومړی په Jobs.dab.gov.af ویب پاڼه کې ځانته یوزر جوړ او بیا د خپلي خوښي بست وټاکي او غوښتل شوي سندونه دې د pdf په بڼه اپلوډ کړي.

• د ازموینې د اخیستلو لپاره یوازې له ټاکل شویو درخواست کوونکو سره اړیکه نیول کېږي.

• د آزموینې نېټه وروسته اعلانیږي.