د خصوصي سکټور د پراختیا د کاري کمېټې غونډه جوړه شوه
کابل، د ۱۳۹۸ کال د چنګاښ ۲۵ مه – د افغانستان بانک د دویم مرستیال ښاغلي محمد قسیم رحیمي په مشرۍ د خصوصي سکټور د پراختیا د مالي کمېټې د کاري ډلې یا (PriSEC) غونډه جوړه شوه.
په یاده غونډه کې ښاغلي محمد قسیم رحیمي د (۵۰/۵) عمل پلان د خصوصي سکټور د پراختیا په برخه کې ډېر ګټور یاد کړ اود یادې ډلې د غړو په لا زیاتو هڅو او همکاریو یې ټينګار وکړ.
د دې غونډې په ترڅ کې د تر سره شویو چارو لپاره د مرستندویه سندونو په راټولولو او د راتلونکو ۵ میاشتو په پلان خبرې اترې وشوې.
د یادونې وړ ده چې په دې غونډه کې د خصوصي سکټور د پراختیا د مالي کمېټې د کاري ډلې غړو هم ګډون کړی وو، چې په پای کې یې په یاد عمل پلان کې د لا پرمختګونو د رامنځته کېدو لپاره د غونډې د ګډونوالو ترمنځ نظرونه هم تبادله شول.
پاتې د نه وي، چې د افغانستان بانک هڅه کوي چې په هېواد کې خصوصي سکټور پرمختګ وکړي او دا بانک له بېلابېلو لارو د خصوصي سکټور د پیاوړتیا لپاره کار کوي.
