رسنیزه اعلامیه

نېټه: ۱۳۹۹ د لیندۍ ۶

د افغانستان بانک په خپلو کارکوونکو باندې د برید په اړه ټول معلومات چې په کې د امنیتي کامرو او د دوی په موټر کې د نصب شوي GPS انځورونه او نور اړین معلومات شامل دي، له کشفي او امنیتي ادارو سره شریک کړي دي.

د افغانستان بانک د ۱۳۹۹ کال د لړم د ۱۷ نېټې د مرګونې ترهګریزې پیښې په اړه چې په کې د افغانستان بانک د کارکوونکو موټر تر برید لاندې راغی او په پایله کې یې د دې بانک درې تنه کارکوونکي په شهادت ورسیدل، د خپلو تیرو رسنیزو خبرتیاوو په دوام سره د دې پیښې په اړه د معلوماتو د روښانه کولو او له کشفي او امنیتي ادارو سره د خپلې همکارۍ د کچې د څرګندولو په موخه یو ځل بیا دا خبرتیا د رسنیو له غړو او د افغانستان له شریف ملت سره شریکوي.

۱) د پېښې د رامنځته کیدو نېټه ۱۳۹۹ د لړم ۱۷. لومړنی استعلام په همدې ورځ د ملي امنیت د لوی ریاست له لورېراولیږل شوچې په کې د موټر د دریدو او د موټر چلوونکي په اړه چې د ښار په کومو ساحو کې تګ راتګ لري، د معلوماتو د ورکولو غوښتنه شوې وه چې په هماغه ورځ او له ځنډ پرته ورته ځواب ورکړل شوی دی.

۲) دویم استعلام هم د ملي امنیت د لوی ریاست لخوا د ۱۳۹۹ کال د لړم په ۱۸ نېټه د پیښې له رامنځته کیدو یوه ورځ وروسته دې ادارې ته راستول شوی چې په موټر کې د نصب شوي GPS او د پېښې له واقع کېدو د دریو ورځو مخکېد بانک د امنیتي کامرو د انځورونو غوښتنه کړې وه. د افغانستان بانک غوښتل شوي معلومات په هماغه ورځ ترتیب او د ملي امنیت لوی ریاست ته سپارلي دي.

۳) درېیم استعلام د ۱۳۹۹ کال د لړم د میاشتې په ۲۵ نېټه د کورنیو چارو وزارت د کشف او د جنایي جرمونو پر وړاندې د مبارزې د لوی ریاست له لورېرالیږل شوی ؤ چې په کې د شهید یما سیاوش دنده څه وه، نقلیه وسیله د بانک وه او که د شهید یما سیاوس، موټر ته تیل په کوم ځای کې اچول کیدل او د یادې قضیې په اړه نور معلومات غوښتل شوي ؤ. د افغانستان بانک یاد معلومات په هماغه ورځ ترتیب او د هغوی په واک کې ورکړل.

۴) څلورم استعلام د ملي امنیت د لوی ریاست له لورې د ۱۳۹۹ کال د لیندۍ په لومړۍ نېټه رالیږل شوی ؤ. د ملي امنیت لوی ریاستپه دې استعلام کېد ۱۳۹۹ کال د تلې د میاشتې له لومړۍ نېټې څخه د ۱۳۹۹ کال د لړم تر ۱۷ نېټې پورې (د پیښې له رامنځته کیدو مخکې د ۴۷ ورځو معلومات او انځورونه)، د دې موټر د تلو راتلو د لارو چې د GPSد الې لخوا څارل کیدې، د تم ځای د ساحې او د بانک د دخولي او خروجي دروازو د امنیتي کامرو د انځورونو د معلوماتو غوښتنه کړې وه چې یاد معلومات د افغانستان بانک لخوا ترتیب شوي، خو تر اوسه پورې غوښتونکې ادارې هغه ترلاسه کړي نه دي. د افغانستان بانک هیله لري څو اړونده اداره ژر تر ژره راشي او راټول شوي معلومات تسلیم شي.

د یادونې وړ ده چې د افغانستان بانک اطلاعاتو ته د لاسرسي د اصل په پام کې نیولو سره د ۱۳۹۹ کال د لیندۍ په ۵ نېټه د دې پيښې په اړه هر اړخیزه معلومات د یو مکتوب له لارې د ملي امنیت د لوی ریاست او د کورنیو چارو وزارت په واک کې ورکړي او له دوی یې غوښتي څو خپلې موندنې د قانون له حکمونو سره سم د څېړنو له بشپړیدو وروسته له ملت سره شریکې کړي.

د شهیدانو روح د ښاد او یاد دې یې تل پاتې وي!