په لویدیځ زون کې د ورکړې د برېښنايي سیستم د پراختیا په اړه د پوهاوۍ پروګرام جوړ شو

ناپیژنده (not verified)
یکشنبه ۱۳۹۸/۲/۱۵ - ۱۱:۹
په لویدیځ زون کې د ورکړې د برېښنايي سیستم د پراختیا په اړه د پوهاوۍ پروګرام جوړ شو

د افغانستان بانک، په هېواد کې د ورکړې د برېښنايي سیستم د پراختیا په اړه د پوهاوۍ او روزنیزو پروګرامونو د جوړیدو په ترڅ کې دا ځل ګڼ شمېر سوداګرو، د سوداګریزو بانکونو، ګمرکونو او د سوداګرۍ د خونې استازو لپاره روزنیز ورکشاپ جوړ کړ.

په پیل کې د افغانستان بانک د لویدیځ زون آمر ښاغلي انور شاه یوسفي خبرې وکړې او زیاته یې کړه چې د ورکړې په سیستم کې د چمتو شویو اسانتیاوو په کارونې سره سوداګر او د دولت د عوایدو ورکوونکي کولای شي د سوداګریزو بانکونو له لارې د دولت عواید له جغرافیايي محدودیت پرته او په خپل وخت اړوندو حسابونو ته ولیږدوي.

وروسته د افغانستان بانک د بانکي عملیاتو مرستیال ښاغلي شفیق الله شفق په مالي نظام کې د ورکړې د سیستم د ارزښت په اړه د پرزینټیشن د وړاندې کولو تر څنګ د ورکړې د برېښنايي سیستم چې د سوداګرو د ځان او مال د خوندیتوب لامل کیږي، د موخو، ګټو او ترلاسه شویو پایلو په اړه هر اړخیز معلومات وړاندې کړل. 

ورپسې د اداینو د آمریت د څېړنې او پراختیا مدیر ښاغلي فرید سکندري د ورکړې په سیستم کې د معاملو د طی مراحلو د څرنګوالي او د ماليې وزارت استازي ښاغلي حمید سلطاني د معاملو د ګمرکي پړاونو په اړه ګډونوالو ته معلومات وړاندې کړل.

وروستي خبرونه

شنبه ۱۳۹۸/۶/۳۰ - ۱۰:۳۵
Background image

د افغانستان بانک د اسعاري زیرمو د بهیر څرنګوالی

د افغانستان بانک اسعاري زیرمو د ۲۰۰۴ زیږدیز کال راپدېخوا لوړېدونکی بهیر درلودلی دی. په ۲۰۰۴ زیږدیز کال کې د افغانستان بانک ټولیزه اسعاري زیرمې ۱.۲۷ میلیارده امریکايي ډالره اټکل شوی ؤ چې. . .

پنجشنبه ۱۳۹۸/۶/۲۸ - ۱۱:۱۱
Background image

د افغانستان بانک 30 میلیونه امریکايي ډالره لیلاموي

کابل، 1398 کال د وږی 28ـ د افغانستان بانک غواړي چې د 1398 کال د وږی میاشتې په 30 نېټه د شنبی په ورځ د داوطلبۍ په ترڅ کې شاوخوا 30 میلیونه امریکايي ډالره د یوې ازادې او رڼې پروسې له لارې. . .

پنجشنبه ۱۳۹۸/۶/۲۸ - ۹:۹
Background image

په بامیانو ولایت کې د "منقولو مالونو د رهن د تسهیلولو څرنګوالي" روزنیز ورکشاپ جوړ شو

مالي وجوه ته د لاسرسۍ د تسهیلولو په موخه د افغانستان بانک د روان کال د وږي میاشتې په ۲۴ نیټه باندې په بامیانو ولایت کې د سوداګریزو بانکونو او د کوچنیو مالي ادارو استازو او صنعت کارانو. . .

بېرته خبرونه ته