د IMF لخوا د افغانستان بانک ته رالیږل شوی لیک:
د ۲۰۲۰ زیږدیز کال د می ۱۲
ښاغلی واحدالله نوشېر
د افغانستان بانک سرپرست
کابل، افغانستان
ډېر محترم د افغانستان بانک سرپرست رئیس صاحب،
په پیل کې غواړم د بدلون او نا ډاډمنتیا په دې ستونزمن حالت کې د افغانستان د مالي نظام د خوندیتوب لپاره ستاسو د وړاندیز شویو پالیسیو د طرحې د شریکولو له امله له تاسو څخه مننه وکړم. د دې طرحې سند په بشپړه توګه د پوهیدو وړ او زه ستاسو لخوا د وړاندیز شويو اقداماتو سره موافق یم، ډاډه یم چې ستاسو تر پیاوړې رهبرۍ لاندې به د افغانستان بانک د خپل بنسټیز ماموریت پر وړاندې چې د بیو او مالي نظام ثبات دی، ژمن پاتې شي.
افغانستان په دې وروستیو کې د کریډت د اسانتیا د غځونې (ECF) د بشپړ شوي پروګرام په اډانه کې د لوی مالي ثبات او جوړښتیزو اصلاحاتو په برخو کې د پام وړ پرمختګ کړی او د افغانستان بانک د یاد پروګرام په بریالیتوب کې مهمه ونډه لرلې ده. همدا ډول، د پیاوړو او مدبرانه پالیسیو پر مټ په ستونزمنه توګه د ترلاسه شویو لاسته راوړنو ساتل ستاسو لپاره خورا مهم دي. د RCF پروګرام په اډانه کې د بیړني مالي تمویل لپاره د افغانستان د غوښتنې په اړه د پیسو د نړیوال صندوق په وروستۍ ناسته کې د یاد صندوق اجرائیوي پلاوي د کریډت د اسانتیا د غځونې پروګرام په راتلونکې طرحه او ترتیب کې چې اقتصادي وده او د بیوزلۍ کمښت یې عمده موخې دي، د افغان چارواکو د لیوالتیا هرکلی وکړ. زه له تاسو او د پیسو د نړیوال صندوق له کارکوونکو سره د دې راتلونکي پروګرام په طرحه او تطبیق کې له نږدې کار کولو ته سترګې په لاره یم.
ستاسو د بریا په هیله.
په بشپړ درناوي،
جعفر مجرد اجرائیوی رئیس
