د آنلاین صرافۍ په هکله د افغانستان بانک خبرتیا:
د مخکینیو خبرتیاوو په تعقیب، ګرانو هېوادوالو ته خبر ورکول کیږي چې په هېواد کې یو شمیر وګړي د آنلاین صرافۍ په نوم مالي معاملې ترسره کوي، او AgiGpt-QT4، فورسیج او داسې نور په بازار کی فعالیت لري. د افغانستان بانک له دې لارې یو ځل بیا درنو هېوادوالو ته خبر ورکوي چی تر اوسه هیڅ شخص یا شرکت ته د آنلاین صرافۍ د فعالیتونو جواز صادر شوی نه دی او دا ډول فعالیتونه غیر قانونی ګڼل کیږی.
د افغانستان بانک له هېوادوالو څخه غواړي چی د یادو معاملو د خطرونو، زیانونو او بعدي مسؤلیتونو په پام کې نیولو سره دې له دغې ډول شرکتونو او وګړو سره د آنلاین معاملو له ترسره کولو څخه ډډه وکړی.
