د افغانستان بانک د خطرونو او قانون رعایتولو د مدیریت کمېټې غونډه جوړه شوه

Mpoya
چهارشنبه ۱۴۰۳/۳/۲۳ - ۱۴:۵۶
د افغانستان بانک د خطرونو او قانون رعایتولو د مدیریت کمېټې غونډه جوړه شوه

د ۱۴۴۵ ذوالحجةالحرام ۵ مه ـ د افغانستان بانک د لومړي مرستیال ښاغلي نور احمد آغا په مشرۍ د افغانستان بانک د خطرونو او قانون رعایتولو د مدیریت کمېټې غونډه جوړه شوه.

د دې غونډې په پیل کې ښاغلي نور احمد آغا د دې کمېټې د غونډو د جوړېدو د ارزښت او په د افغانستان بانک کې د خطرونو د کمولو او قوانینو او مقرراتو د رعایتولو لپاره د مناسبو او اړینو تدبیرونو په تړاو خبرې وکړې.

نوموړي د خپلو خبرو پر دوام زیاته کړه چې په اغېزناکه توګه د افغانستان بانک د چارو پرمخ وړلو لپاره د پیسو وینځلو او له جرمونو څخه د ترلاسه شوو عوایدو پر وړاندې د مبارزې د قوانینو او مقرراتو او د ملي او نړیوالو بندیزونو د لیستونو پلي کول ډېر اړین دي.

ښاغلي نور احمد آغا وویل، د افغانستان بانک د مالي او غیر مالي خطرونو ارزول او پېژندل ډېر اړین دي او په کار ده چې دې برخې ته زیاته پاملرنه وشي.

تر هغې وروسته د افغانستان بانک د خطرونو او قانون رعايتولو مديريت د کمېټې منشي ښاغلي ياسر ذهين چې په ورته وخت کې د خطرونو او د قانون رعايتولو لوی آمر هم دی، د خپل آمريت د کاري کړنو راپور چې پکې لاسته راوړنې، نوښتونه، پرمختګونه، د افغانستان بانک د ارزول شوو ساحو د غیر مالي خطرونو د ارزونو موندنې شاملې وې وړاندې کړې.

د دې غونډې په اوږدو کې د کمېټې غړو د لاسته راوړنو، د خطرونو د ارزونو موندنو او د خطرونو کمولو لپاره د مخه نیونکو اقداماتو په موخه د اړینو وړاندیزونو په تړاو نظرونه تبادله او د پام وړ وړانديزونه تاييد کړل.

د یادونې وړ ده چې په دې غونډه کې د افغانستان بانک دویم مرستيال ښاغلی ملا محمد اخند او د افغانستان بانک د عالي شورا غړي ښاغلي عبدالوکيل منتظر د دې کمېټې د غړو په توګه ګډون کړی وو چې د پیسو وينځلو او له جرمونو څخه د ترلاسه شوو عوايدو پر وړاندې د مبارزې رژیم د پياوړتیا او د افغانستان بانک د خطرونو مديريت په برخه کې یې د افغانستان بانک د مشرتابه پلاوي له هر اړخیز ملاتړ څخه ډاډ ورکړ.

وروستي خبرونه

سه‌شنبه ۱۴۰۳/۵/۲ - ۱۵:۱۵
Background image

په شمال زون کې مندرس بانکنوټونه وسوځول شول

۱۴۴۶ د محرم الحرام ۱۶ مه – د افغانستان بانک له لوري (۱،۰۷۳،۹۶۲،۰۰۰) یو میلیارد، درې اویا میلیونه، نهه سوه او دوه شپيته زره افغانیو په ارزښت مندرس بانکنوټونه چې د شمال او شمال ختیځ. . .

دوشنبه ۱۴۰۳/۵/۱ - ۱۴:۲۳
Background image

د کوچنیو او منځنیو سوداګریو د پرمختګ په موخه د کوچنیو مالي اسلامي تمویلاتو د کنفرانس جوړېدل

۱۴۴۶ محرم الحرام ۱۶ مه - د افغانستان اسلامي مالي اونۍ تر سرلیک لاندې جوړ شوي کنفرانس کې چې د کوچنیو مالي اسلامي تمویلاتو په اړه جوړ شوی ؤ، د افغانستان بانک د ریاست مقام د دفتر رئیس. . .

شنبه ۱۴۰۳/۴/۳۰ - ۱۶:۳۱
Background image

د مالي خدمتونو د پراختیا لپاره هلې ځلې 

۱۴۴۶ محرم الحرام ۱۴ مه – د افغانستان بانک سرپرست رئیس ښاغلي نور احمد آغا په افغانستان کې د ملګرو ملتونو د پرمختیایي ادارې له مشر سټیفن روډریګز او مل پلاوي سره ولیدل او پر مختلفو مالي او. . .

بېرته خبرونه ته