د افغانستان بانک د ښځو نړیواله ورځ و نمانځله
کابل، د ۱۳۹۸ کال د کب ۱۸ مه – د افغانستان بانک د مارچ ۸ مه چې د ښځو نړیواله ورځ ده، د ځانګړو مراسمو په ترڅ کې ونمانځله.
په دغو مراسمو کې چې د افغانستان بانک په مرکزي دفتر کې جوړ شوي وو، په کې د افغانستان بانک مشرتابه پلاوي د دې بانک ټولو ښځینه کارکوونکو ته د دې ورځې په مناسبت د مبارکۍ تر څنګ په ادارو کې د ښځو له چارو ستاینه وکړه او ټینګار یې وکړ چې د افغانستان بانک ژمن دی، څو د دې بانک په اډانه کې د ښځو د پرمختګ لپاره زمینه برابره کړي او د دوی لپاره پراخې آسانتیاوې رامنځته کړي.
د یادو مراسمو ګډونوالو ښځو د افغانستان بانک له مشرتابه څخه د دغو ځانګړو مراسمو د جوړولو له امله مننه وکړه.
