د افغانستان بانک په اډانه کې د روانو پروژو په اړه معلوماتي غونډه

Mpoya
چهارشنبه ۱۳۹۸/۶/۲۷ - ۱۵:۱۶
د افغانستان بانک په اډانه کې د روانو پروژو په اړه معلوماتي غونډه

کابل، د ۱۳۹۸ کال د وږي ۲۷ مه– د افغانستان بانک د سرپرست او لومړي مرستیال ښاغلي واحدالله نوشېر په مشرۍ  په دې بانک کې د روانو پروژو په اړه د بانکي عملیاتو، د بازار عملیاتو، اداینو، تدارکاتو او معلوماتي تکنالوژۍ له مسئولینو سره غونډه جوړه شوه.

په دې غونډه کې د افغانستان بانک د بېلابېلو آمریتونو مسئولینو ښاغلي نوشېر ته د افغانستان بانک په اډانه کې د برېښنایي لېږد سیستم (ATS) او د بیه لرونکو پاڼو د امانت اېښودلو مرکز (CSD) پروژو د چارو د پرمختګ په اړه هر اړخیز معلومات ورکړل او یادونه یې وکړه چې د دې پروژو چارې نږدې بشپړې شوې دي او له یو شمېر ادارو سره یې آزمایښتي چارې هم پیل شوې دي چېډېر ژر به ګټې اخیستې ته وسپارل شي.

د افغانستان بانک سرپرست په دې برخه کې له تر سره شویو چارو د مننې ترڅنګ له اړوندو ادارو سره په لا زیاته همغږۍ ټينګار وکړ او د دې پروژو بریالیتوب یې د افغانستان بانک لپاره یوه ستره لاسته راوړنه یاده کړه.

له غونډې وروسته د افغانستان بانک سرپرست او د غونډې ګډونوالو د دې بانک د اداینو، د بازار عملیاتو او معلوماتي تکنالوژۍ په آمریتونو کې د یادو پروژو له روانو چارو لیدنه وکړه.

وروستي خبرونه

سه‌شنبه ۱۳۹۸/۷/۳۰ - ۱۱:۵۷
Background image

د افغانستان بانک 30 میلیونه امریکايي ډالره لیلاموي

کابل، د 1398 کال د تله 30ـ د افغانستان بانک غواړي چې د 1398 کال د لړم میاشتې په 1 نېټه د چهارشنبی په ورځ د داوطلبۍ په ترڅ کې شاوخوا 30 میلیونه امریکايي ډالره د یوې ازادې او رڼې پروسې له. . .

یکشنبه ۱۳۹۸/۷/۲۸ - ۱۰:۱۵
Background image

د پروژې د مسلکي مدیریت درې میاشتنۍ دوره پایته ورسېده

کابل، د ۱۳۹۸ کال د تلې ۲۷ مه - د افغانستان بانک په اډانه کې د دې بانک د کارکوونکو لپاره د PMP درې میاشتنۍ روزنېزه دوره پای ته ورسېده.

په دې روزنېزه دوره کې چې د چنګاښ د میاشتې له لومړۍ. . .

شنبه ۱۳۹۸/۷/۲۷ - ۱۱:۲۶
Background image

د افغانستان بانک د پیسو له نړیوال صندوق سره ګډ اقتصادي پروګرام په بریالیتوب سره بشپړ کړ

د افغانستان بانک د کریډټ د تمدید د اسانتیا پروګرام (ECF)؛ د شرایطو په پوره کولو او د یاد پروګرام د موخو په ترلاسه کولو سره په بریالیتوب سره بشپړ کړ.

د افغانستان دولت او د پیسو د نړیوال. . .

بېرته خبرونه ته