د افغانستان د اسلامي جمهوریت، جمهور رئیس جلالتماب محمد اشرف غني د افغانستان بانک رئیس ښاغلي خلیل صدیق د غازي وزیر محمد اکبر خان د مډال په ورکولو سره وستایه
د مډال د ورکولو فرمان د افغانستان بانک ته رالیږل شوی دی چې متن یی لاندې ټکي رانغاړی:
د افغانستان بانک لوې رییس ښاغلي خلیل صدیق په یاد بانک کې د ماموریت پرمهال اړوندې دندې په پوره رښتینولۍ او اغېزمنتیا تر سره کړي او د بانکي سکټور د ودې او پراختیا په برخه کې یې هلې څلې کړې چې کړنې یې د تقدیر وړګنل کیږي.
له همدې امله د هغه د غوره او قدر وړ خدمتونو او لاسته راوړنو د تقدیرولو په موخه، د اساسی قانون د (۶۴) مې مادې د (۱۹ مې) فقرې له حکم سره سم، نوموړی ته د غازي وزیر محمد اکبر خان دولتي مډال ورکړه منظوروم.
د لوی خدای(ج) له درباره نوموړي ته د هيواد او هيوادوالو د خدمت په برخه کې دلا ډیرو بریاوو هیله کوم.
محمد اشرف غنی
د افغانستان د اسلامې جمهوریت رییس
